Lokalavisa NordSalten
lokalavisa@nord-salten.no Maria Mikkelsen

næringsliv

Tysfjord Kommune

Infoside

Tysfjord kommune særpreges av de lange, dype fjordene og de høye bratte fjellene. Kontrastene er store i det vakre landskapet.

Din bedrift her? | Flere bedrifter

Tjaktjaj álgaduvvá ”Julevsámegiella 1”, Bådådjo Allaskåvlå baktu. Kurssa l næhttakurssa mij 30 oahppatjuohkkijt vaddá, ja vihpá ålles skåvllåjagev. Nehta baktu le vejulasj studentajda akta ber makkir sajes kursav tjuovvot. Duodden ásaduvvi binnemusát guokta tjåhkanime – vuostasj tjavtjan ja nubbe ådåjakmánon.

- Dát la ájnas fálaldahka åhpadiddjijda ja gájkajn gen la dárbbo ja miella sámegielav alep dássen låhkåt, javllá åhpadiddje Anders Kintel allaskåvlån.

Kurssa ij la gålmå jagijn tjadáduvvam.

- Ælla årrum åhpadiddje. Mån lav iesj stipændiáhttavirgen barggam, ja le vádne ietjá åhpadiddjijs gudi máhtti allaskåvllådássen åhpadit, javllá Kintel.

Ulmme l”Julevsámegiella 2” kursajn joarkket tjavtjan 2010. Gå oahppe li goappátjijt kursajt låhkåm le siján vuodofáhka julevsámegielan. Ja dan maŋŋela doajvvu Kintel vas ådåsit kursajn  ”Julevsámegiella 1” álgget, vaj le vejulasj fært nuppát jage åhpadusájn álgget.

Åhpadibme l rabás gájkajda gænna le dábálasj oahppomáhtudahka ja unnemusát sámegiella nubbegielan joarkkaskåvlås. Åhtsåmájggemierre l vijdeduvvam snjilltjamánno 1. bæjvváj, valla dá rádjáj li juo 16 åhtsåm.

- Ep la hárjjánam ienep gå lågev studentajda, danen lip riek dudálattja gå li vil ienebuv, javllá Kintel