Lokalavisa NordSalten
lokalavisa@nord-salten.no Kitty Skapalen/Divte Media AS

næringsliv

Botn Snekkerverktsted

Infoside

Produksjon og montering av innvendige trapper.

Din bedrift her? | Flere bedrifter

Girje namma le ”Jåvvå-viellja ja lájbbområptik”. Dánna subtsas Inga Jåvvå-vielja mano birra nuoren aktan Ingatjijn gæhttjen ja viehkken subttsasin.
- Jåvvå-viellja le dá bále nuoren juonná Vuodnabadá lahkusin. Inga (mån lav dat) le Josefijná ja Jåvvå-vielja guossen. Såj rijddalattjába ja de Jåvvå-viellja, guhti ietján le nav buossje, ballá gå Josefijná moarát ja ålgus viehká. Bislágan råptigav doahppi ja lájbbomgåjvunav gieda vuolláj. Suhká suollujda guhkken nuoren. Militerra jáhkki le tjátjevuolvanntsa ja nuorráj manni. Josefijná mårås Jåvvå-vieljav. Sån ræhttsot helikoptera nanna tjåhkkåj ja hálet suolluj badjel suv åtsåtjit. Helikopter gahttjá ja Josefijná gáddáj vuodjá. Gávnná Jåvvå-vieljav ja sån ruoptus suhká Josefijnájn slehpan. Guokta guollára gudi libá viermijdis láhppám, mieddiba viermmebåjajs ja Josefijná njittjijs, måjåt Inga, guhti sajev vaddá alvos ássjijda ja suohttasijda subttsasijn.
Gátte lahka lájbbomgåjvun gåbmån, Jåvvå-viellja nuorráj gahttjá ja Inga viertti goappátjijt gáddáj gádjot.
- Dán girjen låhkke aj oahpástuvvi muv berrahij Gávrásski ja Rávgásski gudi årroba váre sinna Vuodnabadán. Juohkka gidá le sunnun gidábasos gånnå årroba. Ulmutja jáhkki le gidádulvve mij várev vuolus gålggå, valla le juojddá ietjá, tjajmmá girjjetjálle.

Girjen li moadda tjuorggama Susanne Lyngmannes. Dålusj stuorgiergge Okshaugan le maŋen ja sæmmi li gahpergiedjega Vuodnabadán. Inga dibddá låhkkijt iesj gåvådallat gåktu Jåvvå-viellja besaj ruopptot Australias gånnå subtsas dáhpáduváj nuppát girjen. Dánna ælla moadda dájdulasj tjielggidusá ja ienep friddja gåvådallam tjanádum histåvrålasj bájkkenamájda Oarjjevuonan.
- Jáhkáv máná máhtti dålusj bájkkenamájt buorebut mujttet gå li subttsasijda ja båvajda tjanáduvvam, javllá sån.
Divna gålmmå girjijn le sierra jiednagirjje girjjetjálles lågådum. Girjje náv hæjttá: ”Luonndo gullá ja ájgge vuoset gåktu sjaddá gevvat”. Dát máhttá merkahit dat 76 jage vuoras áhkásj Vuodnabadás ij ålgoda máhttá nælját girjje Jåvvå-vielja birra boahtet.