Lokalavisa NordSalten
lokalavisa@nord-salten.no Børge Strandskog
lokalavisa@nord-salten.no

Annonse fra Steigen Vertshus AS

Kakebuffét

Les mer

Hver lørdag kl. 10-16 har vi kakebuffét til kr. 85,-. Velkommen!

Din annonse her? | Flere annonser

Barggo dahkorássetjiektjamsaljojn le juo jåhtuj boahtám, ja tjuovvu ájggemierijt ja ekonomalasj mærrádusájt. Vuodobarggo moarmesmánon ålliduvvá, ja dalloj galggi aj 28kW-tjuovggarustiga dåjman liehket. Dahkorásse le diŋŋgudum, ja plánaj milta biejaduvvá biehtsemáno vuostasj vahko.

Drag Aktivitetspark le Divtasvuona suohkanis åhtsåm 2 milliåvnå ruhtadoarjjan galmmahállav tsieggitjit. Biednigijt åhtsi esski vuododum Merraæládusá kultuvrra- ja æládusfåndas. Prosjækta budsjehteriduvvá 6,5 milliåvnnåj, guovte jahkaj. Åhtsåmusán tsuojggiduvvá gåktu Ájluokta  le åvddånahttemin. Barggosaje li lassánime, ja dárbbo le fáhkaulmutjijda. Dan hárráj le tjiektjamhálla vuogas, suohkanij ja priváhta viddnudagájda.

Jus Drag Aktivitetspark prosjevtav nahki tjadádit, oadtju Ájluokta Nuortta-Sálto vuostasj dahkorássetjiektjamhállav. Åhtsåmusán aj åvddån boahtá ietjá adnosuorge hállaj gå fotbállo/válastallam. Dåhkki stuoráp márnánijt ja vuosádusájt ásadit, duola degu jahkasasj Ájluovta Doajmmamárnánav.

Plánaj milta galggá hálla liehket 43 x 65 mehtera, madi tjiektjamsalljo sjaddá 40 x 62 mehtera.