Lokalavisa NordSalten
lokalavisa@nord-salten.no Børge Strandskog
lokalavisa@nord-salten.no

Annonse fra Steigen Vertshus AS

Middagsbuffét

Les mer

Hver søndag kl. 13-18 har vi middagsbuffét til kr. 185,-. Velkommen!

Din annonse her? | Flere annonser

Åhtsåmusá tjadá suohkanåjvijs Tor Asgeir Johansen (Divtasvuodna) ja Rolf Steffensen (Hábmer) ja Árran julevsáme guovdátja direktøras Lars Magne Andreassen le Gånågis Mikal Urheimaj vaddám Gånågisá ánssidimmedáljav.

- Mikal Urheim la badjel 50 jage iesjgengalágásj rållaj ja dåjmaj baktuj åvdedam nasjonála ja bájkálasj ássjijt ma li sebrudahkaj læhkám stuorra ávkken, sierraláhkáj sáme álmmuga åvdås ja julevsámij åvdås sierraláhkáj. Mikal Urheima barggo le læhkám tjielgga njunnjusjbarggo åvddånahtátjit sáme sebrudakiellemav Vuonan, tjálleba suohkanoajveguovtes aktan Árran- direktørajn præssadiedádusán.

- Muddo lij Mikal Urheimav guddnedit suv nanos ja iellemájge ratjástime åvdås ulmutjijda ja sebrudahkaj. Gånågisá ánssidimmedállja le mijá mielas árvvogis ja duolla bálkká.

Gå vuostasj Sámeriektájuogos, jådeduvvam Alemusriektá jådediddjes Carsten Smith, ásaduváj jagen 1980, de lij diehttelis sadje Mikal Urheimaj. Dán juogosa baktu le Mikal Urheim nannusit viehkedam åvddånahtátjit Vuodolága § 110A, Sámelágav ja Sámedikkev.

- Mikal Urheim viertti nammaduvvat sierralágásj ulmutjin rahtedis unna sebrudagájn vuodon ja le dåjmadam árvulasj ja ájnas oasev udnásj sámesebrudagá hábmedimijn Vuonan.

Åvdep Alemusriektájusitarius Carsten Smith Mikal Urheimav gåvvit isedin guhti ietjas tjiegK ́alis dádjadusájn ja buorre moalgedimvuogijn le stuorra guddne båhtusis Sámeriektájuohkusa bargos.

Ávvobiejvve gálggá tjadáduvvat Måske skåvlån, ja Divtasvuona suohkanoajvve Tor Asgeir Johansen gálggá medáljav gálggit. Håladuvvá aj Urheimas iesj, fámiljan le ietjas oasse ja guossoduvvá káffa ja gáhko – ja vil ienep.

Ásadus le jåhtelisvantsajn hiebaduvvam ja dan diehti le assto oassálastátjit gájkajda gudi sihti.