Nuorâikerdipargo
Kieldâst tuáimih kyehti nuorâikerditáálu: Stönö Avelist já Vintti Aanaar markkânist. Tábáhtusah- já äigikyevdilis palstain kaavnah tiäđu nuorâikerditábáhtusâin, moh uárnejuvvojeh kieldâst. Lase tiäđu aanaarlâš nuorâikerditooimâst já puđâldemmáhđulâšvuođâin kaavnah servitooimâ já nuorâi toimâjuávhuid kieđâvuššee palstain sehe Aanaar kieldâ nuorâikerditooimâst.
Nuorâiváldustivrâ Aanaar
Mii Imâš NuVáid?
NuVá lii tegu koskâkietâ nuorâi ideai já jienâ finniimân kulosin. Nuorâst-uv lii vuoigâdvuotâ ettâđ uáivilijdis áášán já tast nuorâiváldustiivrâ ovdâsteijeeh tuáimih táválii aanaarlâš nuorâ peeleestsárnon. NuVá pehti lii älkkee finniđ jieijâs ääši/idea kulosân.
Sáttá vuosmužžân puáttiđ juurdâ, et NuVá ij valduuččii tuođâst alebijn portháin, mut tuotâääšist tom kuldâluvvoo. Nuorah láá kuittâg tehálâš aheluokka Aanaar puátteevuođâ tááhust. Nuorah kale váldojeh vuotân. Vâi nuoráid finniiččuuččij maidnii muide-uv ko tuše jienâ kulosân finnim, lii NuVást jieijâs meriruttâ, mast tastoo meriduvvoo moos ruuđah kiävttojeh.
Nuorâiváldustiivrân kuleh love jesânid plus juáhážân värijesâneh, kiäh talle oovtâst vuávájeh já uárnejeho tábáhtusâid nuoráid já tarvaneh kieldâ aššijd, moh merhâšitteht lohtâseh nuorâi aššijd já pyereestvajemân.
NuVást lii ovdâsteijee čuovviittâspargo lävdikoddeest (mieldiorroom- já sárnumvuoigâdvuotâ). NuVást lii ovdâstemsaje já jienâstemvuoigâdvuotâ meid Selvä Peli pargojuávhust já Párnáisuojâlem ovdedempargojuávhust já Nuorisotakuupargojuávhust. Čuákkimeh tuállojeh ohtii mánuppaajeest škovlâive ääigi. Lasseen tuálloo ubâ Laapi nuorâváldustiivrâi ohtsâš čuákkim. Návt viggoo ohtsâšpaargon puohâi NuVáiguin já finnejuvvoo tehálâš oppâ eres NuVáin. NuVá tuáimá oovtâst uássin kieldâ nuorâikerdipargo.
INARIN VIESTINTÄPAJA
Pargoelimân já oppâmân välmejeijee mediatiäddudlâš nuorâi pargopáájá jo ivveest 1989.
Ulmen ubâ tooimâ ääigi lii lamaš nuorâi pargomarkkân- já škovliimân uuccâmkiärgusvuođâi pyeredem.
Páájápargoost lii stuorrâ merhâšume helbâm estimist Aanaar kieldâst. Páájá lii adelâm máhđulâšvuođâ nuoráid, kiäi čođâldittum tâi koskâldum vuáđuškoovlâ, luvâttuv tâi áámmátlâš škovlim maŋasâš jotkâsoijim lii monnii suujâst pááccâm koskân, ääigi smiettâđ jieijâs jotkâtooimâid.
Finnejum hárjánmeh sehe tiäđulâš oppâ palvâleh nuorâi jotkâeellim peerusthánnáá tast, maggaar škovlim tâi mon sorttâsâš paargon sij páájápaje maŋa ucâluveh. Nuuvtpa váldu-ulmen ij lahkin lamaš tot, et viestâdempáájá pyevtit viestâdemsyergi uáppeid tâi áámmátulmuid, veikâ motomij pehti suárgán sundášume páájápaje maŋa lii-uv tábáhtum. Nuorâi pargopáájá status lii merhâšâm tom, et masa puoh viestâdempááján paargon šoddâm ulmuuh láá vuossâmuu pargokoskâvuođâ älgidijn lamaš 17 - 25 -ihásiih.
Ohtâvuođâtiäđuh: Nuorâikerdičällee Seppo Körkkö p. 0400 313 532
RADIO INARI
Suomâ tavemuš páihálâšradio!
Radio Inari lâi algâaalgâst Aanaar ristâlâš nuorâiškoovlâ haldâšem toimâlove vyelni tuáimee máttááttâsradio. Tááláš pyevtittum ohjelm vuáđuduvá toos, maid ovdil-uv lii porgum, mut vuolgâttâsäigi lii lasanâm. Radio Inari tekniik addel máhđulâšvuođâ rähtiđ taggaar ohjelm, mii kiärdá viärdádâllâm. Radio Inari vuolgât jođettum já äigikyevdilis ohjelmijd, sehe maaŋgâpiälásâš muusik argâpeivij ooroosthánnáá. Oholoopâi ääigi čuájá ooroosthánnáá maailm pyeremus radiojukeboxâ!
Radio Inari päikkisiijđoh, ohjelmkárttá já ohtâvuođâtiäđuh kávnojeh siijđoin: www.lanuti.fi/inari
Print page
