Uáiváditteehuolâttâs

Uáivádittein uáivilduvvoo alkohol, narkotiik, tiätu talhâsamnâsij kevttim tâi siähálâskevttim (talkkâseh já alkohol).

Aanaar kieldâst uáiváditteid lohtâseijee tipšo, torjuu, stivrim já ravvim puáhtá uuccâđ tiervâsvuođâkuávdáá tuáhtárist, mielâtiervâsvuođâ- já peerâravviittuvâst, sosiaaltoimâttuvâst já servikoddeest. Sosiaaltoimâttuvâst sosiaalpargein uáiváditteeääših kieđâvuššojeh távjá áigápuátutoorjâ-, rävisolmoošsosiaalpargo já parnáisuojâlem ohtâvuođâst.

Jis tarbâšâh iše jotelávt juuhâm looppâtmist, puávtáh ucâluđ potkimtiipšon. Potkimtipšo adeluvvoo iänááš Aanaar kieldâ tiervâsvuođâkuávdáást.

Kuhheebáigásâš lájádâsvajoidittemáigáduvâst viggoo occee alkoholkevttim potkiimân, alkoholist šaddee hemâdâsâi minimistmân sehe ovtâskâs ulmuu já perruu eellimtile čielgiimân. Lájádâsvajoiditmân tarbâšuvvoo máksučonnâsem, mon mieđeet tiervâsvuođâkuávdáá njunoš tuáhtár/ jieijâs kuávlu tuáhtár. Váldunjuolgâduslávt máksučonnâsem lii mieđettum Laapi Uáiváditteeklinikan. Vajoidittemáigáduv jiešvástádâsuásán puáhtá uuccâđ áigápuátutorjuu.

Avveel Peivikuávdáš tuáimá vuossaargâst tuorâstuvvân tme 9.00 –13.00. Peivikuávdáš lii kuáhtám- já siärvástâllâmsaje, mast toimâv kyehti stivrejeijee já tobbeen lii máhđulâšvuotâ meid puurâdmân uccâ mavsuu vuástá.

Kieldâst láá motomeh uáiváditteetoorjâaassâmviásuh. Láigusopâmuš tahhoo aassâmviäsutoimáin.

Aanaar kieldâst tuáimáá AA-juávkku, mii almoot kuáhtáámijn el. páihálâšaavis Inarilaisist.

Avveel Peivikuávdáš VALKAMA Petsamontie 5

áávus vu-vá tme 9.00 – 13.00

p. 040 186 4292

Liiŋkah:

www.paihdelinkki.fi
www.finlex.fi
www.lapinpaihdepalvelut.fi
www.aa.fi
www.myllyhoito.fi
www.sininauhaliitto.fi
www.minnesota-hoito.fi
www.avominne.fi

 

---