Uuccâm já nubástusah

Peivitipšosoojijd puáhtá uuccâđ ohtânmaanoost. Peivitipšosaje kalga uuccâđ majemustáá 4 mánuppaje ovdil peivitipšotáárbu älgim. Jis peivitipšo tárbu kuittâg šadda paargonšoddâmist, oopâin tâi škovliittâsâst ige táárbu älgimääigi pyevti muuneeld tiettiđ, kalga peivitipšosaje uuccâđ nuuvt jotelávt ko máhđulâš, kuittâg majemustáá kyehti oho ovdil ko páárnáš taarbâš tipšosaje.

Peivitipšo uuccâmluámáttuvah láá finniimist peivitipšotoimâttuvâst kieldâvirgáduvâst, váldukirjeráájust sehe kieldâ Internet-siijđoin (www.inari.fi) Ucâmuš lahtosin kalga leđe puátučielgiittâs peivitipšomáávsu meridem várás. Čujottâs, puhelinnummeer ye. nubástusah ucâmuštiäđuin almottuvvojeh sehe tipšosajan já stivrejeijei. Pargosaje, pargoääigi já päälhi muttum almottuvvoo stivrejeijei. Peivitipšotáárbu nuuhâm maŋa kalgeh vanhimeh celkkiđ luovâs tipšisaje, mon maŋa peivitipšomáávsuh noheh. Peivitipšosaje luovâscelkkim almottuvvoo stivrejeijei mielâstubboht kirjálávt.

Tipšoääigih já nubástusah

Peivitipšoost párnái tipšoääigih suáppojeh perruu pargoaigij já tipšo táárbu mield. Jis páárnán occoo peivitipšo eres suujâ keežild ko párnáá vajoidittem, vanhimij pargo, luuhâm tet. keežild, suáppoo tipšoäigi tijme 8.00-16.00 kooskân, enâmustáá 8 tiijmán. Párnáá tááhust lii talle táválávt avžuuttettee kuittâg jo-uv uásipeivitipšo tâi enâmustáá 5-7 h/pv pištee olespeivitipšo.

Ijjâ- já oholoppâtipšo tábáhtuvvee eehidtipšo uárnejuvvoo tuše pargo, luuhâm tâi eres västideijee suujâ keežild, ij om. puđâldemmonâmij, maađhij ye. jieijâs monâmij keežild.