Čyeti čälled lii proojeekt, mon ulmen lii finniđ aainâs-uv čyeti anarâškielâ sárnod kevttiđ anarâškielâ aktiivlávt kirjálii häämist.

Anarâškielâ lii majemui iivij ääigi iäláskám vuáimálávt. Anarâškielân aktiivlávt čällee ulmuuh láá kuittâg uáli uccáá, suullân love olmožid. Kirjálâšvuotâ já kirjáliih materiaaleh váiluh maaŋgâin suorgijn já soojijn. Tááláá tiileest anarâškielân almostuveh tuše 300-400 tekstâsijđod ivveest. Tađe várás lii algâttum proojeekt “Čyeti čälled anarâškielân”.

Halijdah-uv tun čäälliđ eenâb anarâškielân? Čääli, puáđi fáárun – šoodâ ohtân čyeđe čällest!

Proojeekt ooleest šoddâm čalluid puáhtá luuhâđ Čyeti čälled -blogist: http://cyeticalled.blogspot.com/