Yle Säämi lii Suomâ áinoo media, mii pyevtit anarâškielân sehe television, radion já neetin. Anarâškielâ kulloo radiost aainâs-uv ohtii ohhoost. Yle Ođđasat -tv-vuolgâttâsâst puátih mottoom verd anarâškielân rahtum tv-ääših. Yle Säämi nettisiijđoin almostuveh meid anarâškielân čallum nettiuđđâseh.

Yle Säämi Ellee arkkâduvâst piäsá kuldâliđ mainâsijd já eres radioaašijd, moh láá päddejum muáddlov ihheed tassaaš. Meid Kuobžâ-Saammâl Maati paddim Kielâminutteh láá jo mottoom verd almostittum Ellee arkkâduvâst.

Yle suomâkielâg Ellee arkkâduvâstkis (Elävä arkisto) piäsá keččâđ vuossmuu anarâškielân rahtum kuhes tv-dokument, Aanaar eennâm. Dokument lii tekstejum suomâkielân.