Anarâškielâ seervist tuáimá anarâškielâ tutkâmjuávkku, mii tuáimá ohtsâšpargoost ollâopâttuvâiguin já eres tuáimeiguin.

Tutkâmjuávkku lii ovdâmerkkân lamaš fáárust orniimin anarâškielâ tievâsmittemškovlim ivij 2009-2010 oovtâst Säämi máttááttâskuávdáin já Oulu ollâopâttuv Giellagas-instituuttáin. Tievâsmittemškovlim puátusin šoodâi tutkâmuš anarâškielâ iäláskitmist já kuástidui kirje Revitalizing Indigenous Languages (2013). Lasetiäđuh casle-projektist: http://casle.fi

Servi lii ohtsâšpargoost Tromssa arktisii ollâopâttuv Kielâtekno-pargojuávhoin oovdedmin anarâškielâ kielâteknologisijd išeniävuid. https://anaraskielaservi.fi/kielateknologia/