Tääl puáhtá neetist keččâđ uđđâsist Kielâtipšom, normim já termipargo sämikielâin –seminaar. Ornijm seminaar Saijoosist, Anarist roovvâdmáánu 6. peeivi 2015. Seminaar čuovvuu Saijoosist 40 olmožid já neeti peht vest paijeel 200s. Seminaar päddejui, já mij almostittep päädi kyehti uássin Youtubest.
1. uási
Taa vuossâmuu uási aalgâst lii Säämi Parlamentaarlii Rääđi jođetteijee já Suomâ Sämitige saavâjođetteijee Tiina Sanila-Aikio lekkâmsahâvuáru. Tastoo lii Taažâ Sämitige president Aili Keskitalo sahâvuáru. Suu maŋa Eino Koponen luvâldâl Kielâtipšom vuáđujurdui heiviittâlmist nuorttâlâškielân (PDF, suomâkielân) já Johanna Ijäsges Tavesämikielâ kuálussaanijn já toi čälimist (PDF, tavesämikielân). Taan uási loopâst lii Säämi máttááttâskuávdáá sämimuusikuáppei konsert, mii uárnejui Saijoos auditoriost.
2. uási
Nube uási aalgâst Petter Morottaja luvâldâl tast Maht anarâskielâ kalga tipšođ (PDF, anarâškielân). Svenn-Egil K. Duolljá luvâldâl Kielâopâlij njuolgâdusâin, moh láá julevsämikielâ kielânormim vuáđđun. Märgge Uttjek luvâldâl Umesämikielâ tiileest já merhâšumeest (PDF, ruotâkielân). Loopâst proojekthovdâ Marko Marjomaa muštâl Kielâkäldee-jotkâprojektist.
Luvâlduvâi PowerPointih kávnojeh luvâlduv noomâ spokkâlmáin.
