Anarâškielâ kielâtipšompeeivih
Laapi kuávluhaldâttâhvirgádâh uárnee oovtâst Säämi Kielâkäldein anarâškielâ kielâtipšom škovliittâspeeivijd.
Äigi: vástuppeivi 8.1. tijme 9.30-16.00 já lávurdâh 9.1.tijme 9.00-16.00
Saje: Sajos, Aanaar
Luvâldâllen láá Marja-Liisa Olthuis, Trond Trosterud, Pigga Keskitalo, Inker-Anni Linkola, Riitta Vesala já Petter Morottaja.
Škovliittâs lii uáivildum máttáátteijeid já arâšoddâdeijeid já eres ulmuid, kiäh kevttih anarâškielâ pargostis.
Škovliittâs ij määvsi maiden uásiväldeid. Uásiväldeeh kuittâg jiejah västideh mätki-, ijâstâllâm-, já purâdemkoloin. Kuávluhaldâttâhvirgádâh fáálá kaahvijd.
Almottâtmeh 21.12.2015 räi čuávuváá liiŋkâ peht:
https://www.webropolsurveys.com/S/141CFEF89F4AD54C.par
Almottâttâmliiŋkâ kávná meid Kuávluhaldâttâhvirgáduv siijđoin: www.avi.fi/lappi > Ajankohtaista >
Tapahtumat ja koulutukset > Anarâškielâ kielâtipšompeeivih – Inarinsaamen kielenhuolto
Pyeri puáttim kielâtipšompeivijd!
Máttááttâstooimâ pajetárkkojeijee Kari Torikka
Kielâpargeeh Miina Seurujärvi já Neeta Jääskö
Kielâtipšompeeivij ohjelm 8.-9.1.2016
8.1. Vástuppeivi
9.30 – 10.00 Kähvi já peeivi lekkâm, tieđettem Kielâkäldest
10.00 – 12.00 Kielâjuáhus avžuuttâsah: Stavâlistem anarâškielâst, koŋruistem, lovnâsanij rähtim já eres äigikyevdilis kielâääših (Petter Morottaja)
12.00 – 13.00 Purâdem (jieškuástidlâš)
13.00 – 16.00 Viereskielân máttááttem (Pigga Keskitalo, Inker-Anni Linkola)
9.1. Lávurdâh
9.00 – 9.30 Kähvi já peeivi lekkâm
9.30 – 12.00 Kielâteknologisâš heiviittâsâh anarâškielâst (Marja-Liisa Olthuis, Trond Trosterud)
12.00 – 13.00 Purâdem (jieškuástidlâš)
13.00 – 16.00 Anarâškielâ seervi já Sämitige material ovdânpyehtim, savâstâllâm já
materiallonottem (Riitta Vesala, Sämitige oppâmaterialpargeeh)
