Säämi aalmugpeivi 6.2. aldaan, já škoovlah já eres lágádâsah rahttâtteh eresnáál juhlođ taan oho loppâpeln. Juhlijd kulá tiäđust-uv meiddei Säämi suuvâ laavlâ, mon tievâsliih Matti Morottaja jurgâlâm sämikielâlâš säänih kávnojeh om. suomâkielâg Wikipediast: Säämi suuvâ laavlâ (liŋkkâ lekkâs uđđâ laasân).
Säämi suuvâ laavlâ muštâl váhá Sämienâmist já tast láá-uv motomeh uáli pyereh säänih kuvviđ luándupirrâsijd já šooŋâid. Sämikielâ ohtâ styeremus riggodâh lii viijđes luándu- já šoŋŋâsánádâh, mii lii lamaš ubâ eellim tááhust tergâd ovdil ko aautoh já purrâmuškäävpih pottii Sáámán. Ko ferttii tiettiđ tárkká, magareh enâmeh já jotteemkiäinuh kost-uv láá, kost finnejii kuolijd já kuus poccuuh lijkkojii moonnâđ já magareh šooŋah lijjii, te luándulávt tađe várás utkojuvvojii ennuv säänih.
| Čoheh čielgijn, čoroh čuumâin | čokke = huippu čielgi = selkä čoro = tunturiharju, vaaran korkein kohta čummâ = pyöreälakinen kukkula |
| Šäävvih juuvah, šuveh vyevdih, | šaavvâđ = kohista šuuvvâđ = suhista |
| cäähih ciägu stälinjaargah | caahâđ = mahtua ciägu = jyrkkä stälinjargâ = kirj. teräsniemi (runolâš kielâkove) |
| Máđháliist láá mánutteveh, | mánuttep = kuutamo |
| kiđordeijee kuovsâkkâsah, | kiđordiđ = väreillä (revontulista) |
| ruoškâs, ruovgâš roođoin kulloo, | ruoškâs = rytinä ruovgâš = kurnutus roto = lehto |
| juucâ jaavrijn, jolgâdâsâin, | juucâ = jyly jolgâdâs = aukio, tasanne |
| kerrisskaalâ maađij mield. | kerris = ahkio skaalâ = kolina |
| šiälguh čyeimih, šaleh ááiruh | šiälguđ = kimallella čyeimi = sauvoin šoollâđ = solista |
| kiävŋáid, kuoškâid, kuánilijd | keevŋis = vesiputous kuoškâ = koski kuánnil = koste, akanvirta, verkkopaikka |
| koddee čuuđijd, karokaavpijd, | čuđe = vainolainen karokävppi = kirj. kirokauppa |
