Nuuvt kočodum ruškeäigi lii uáli pivnooh maadâpeln ulmui kooskâst, já talle lijkkojeh-uv puáttiđ meiddei Sáámán omâttâllâđ mučis lostâiivnijd. Talle läävee vala päštiđ piäiváš-uv nuuvt ete peiviv lii vala liegâs, veikkâ iho jo puolâštškuát.
Juvduujuuhâ
RUŠKE-sääni lii-uv suomâkielâ maali mield rahtum, mutâ anarâšâin láá jieijâs kielâkoveh ton ááigán, ko loostah fiskááškyeteh teikkâ jo ruápsájeh-uv. Čoovčâ aalgâst, ko lostâmuorâin älgih vuossâmuuh ivnáás loostah oinuđ, eteh ete RIEMNJIS KAMÂSIJDIS KOCO. Riämnjásthân lii ruopsis soovsâ.
Aanaar illâmuorâ ääigi
Ko vist loostah ruápsájeh olmânáál, tot lii ILLÂMUORÂ ÄIGI. Tot lii lamaš tondiet tergâd, ko talle ij ärbitiäđu mield kyeli ennuvkin liihâd teikkâ toppii.
- KOCCOOĐ – heŋgâstâllâđ
- ILLÂ – čappâdin puállám muorâpittá mii vala acâkkist
- FISKÁĐ – päštiđ, oinuđ fiskâdin
- RUÁP’SÁĐ – päštiđ, oinuđ ruopsâdin
- RUŠKÁĐ – oinuđ ruškâdin
Kielâkäldee aalgât tain čalluin almostittiđ jyehi oho maidnii suottâsijd anarâškielâst, ain tiätu teema mield. Ulme lii uápásmuđ anarâškielâ riggodâhân – aaibâs heervâ tiet! Čalluuh almostuveh tuorâstuvâi giella.org-nettisiijđoin já Kielâkäldee Facebook-siijđost.
Käldee: Idström, A.; Morottaja, H. (2015) Inarinsaamen idiomisanakirja. Aanaar: Sämitigge. 4. teddilâs.
Koveh: Anja Vest / Vastavalo.fi
