Povdiittâs PDF:n: Säämibarometri almostittemseminaar 2016
Riehtiministeriö, Sämitigge já Oulu ollâopâttuv Giellagas-instituut uárnejeh vástuppeeivi 25.11.2016 tme 9-13 Anarist, Sämikulttuurkuávdáš Saijoosist seminaar, mast almostuveh kyehti sämikielâi tááláá tile kyeskee raapoort. Sämitige kielâtoimâttâh almostit Ulla Aikio-Puoskari čäällim raapoort sämikielâi iäláskittem pyeremuin vuáválâšvuođâin já aalmuglii politiik linjáámijn Suomâst, Ruotâst já Taažâst. Raapoort kovvee kielâiäláskittem vuovijd já puátusijd sehe sämikielâi tilán vaikutteijee lahâasâttem já vuáválâšvuođâid Tave-enâmijn. Riehtiministeriö já Oulu ollâopâttuv Giellagas-instituut tiilám já Annika Pasasii čäällim čielgiittâs kieđâvuš säämi kielâlaavâ olášum sämikuávlu sämikielâlij ässei uáinust. Puhelinsahhiittâllâmmateriaalin vuáđuduvvee raapoort muštâl sämikielâlij ulmui fiäránijn sämikielâlijn palvâlusâin, eromâšávt sosiaal- já tiervâsvuotâpalvâlusâin.
Tilálâšvuotâ uárnejuvvoo Saijoos parlamentsali Soljust já tot lii áávus puohháid. Tilán lii iästuttes siisâpeessâm. Tilálâšvuođâst lii simultaantulkkum suomâ- já sämikielâi kooskâst. HUÁM: Káhvástâllâm várás seminaarin ferttee almottâttâđ ma 22.11. räi liiŋkâ https://www.webropolsurveys.com/S/F239D41A99C14717.par peht. Seminaar puáhtá čuávvuđ meiddei live-streamin čujottâsâst http://www.sogku.fi/live.
Tilálâšvuođâst oovdânpyehtih raportij siskáldâs já savâstâllâp sämikielâi tiileest raportij vuáđuld. Ohjelmist láá sehe puávdejum sahâvuáruh ete äigi rijjâ savâstâlmân já kommentistmân. Kuohtuuh raporteh láá luuhâmnáál almostittempeeivi rääjist internetist suomâ- já sämikielân: Säämibarometri 2016 –raapoort riehtiministeriö siijđoin já Sämikielâi iäláskitten pyeremuuh vuáválâšvuođah –raapoort Sämitige siijđoin.
Tilálâšvuođâ ohjelm:
9.00-9.10 Sahâvuáru: Tiina Sanila-Aikio, Sämitige saavâjođetteijee
9.10-9.20 Sahâvuáru: Vava Lunabba, pajetärhisteijee, riehtiministeriö demokratia-, kielâ- já vuáđuvuoigâdvuođâi ohtâdâh
9.20-9.30 Sahâvuáru: Anni-Siiri Länsman, hovdâ, Oulu ollâopâttuv Giellagas-instituut
9.30-10.15 Säämibarometri 2016 –raapoort oovdânpyehtim: Annika Pasanen, FT totkee
10.15-10.30 Káhvástâllâm
10.30-11.15 Sämikielâi iäláskitten pyeremuuh vuáválâšvuođah –raapoort oovdânpyehtim: Ulla Aikio-Puoskari, Sämitige škovlimčällee, náguskirjetotkee
11.15-12.00 Puávdejum kommentsahâvuáruh: Máttááttâs- já kulttuurministeriö, Säämi kielârääđi, kieldâi ovdâsteijeeh
12.00-13.00 Rijjâ savâstâllâm raportijn, sämmilij kielâlij vuoigâdvuođâin já sämikielâi iäláskitmist
Pyeri puáttim kuldâliđ já savâstâllâđ sämikielâi tiileest!
Lasetiäđuh:
Annika Pasanen, totkee annika.pasanen@gmail.com / 040 7639609
Vava Lunabba, riehtiministeriö vava.lunabba@om.fi / 02951 50136
Siiri Jomppanen, Sämitigge siiri.jomppanen@samediggi.fi / 010839 3111
