Anarâškielâ kielâjuávus lii tuhhiittâm čuávuvâš lovnâsaanij rähtimnoormijd 3.-4.1.2014 čuákkimist. Sänilisto pevdikirje labdosijn kávnoo táágu: http://www.giella.org/wp-content/uploads/2014/02/Lovnasaanih.pdf
Nomineh
Vuáđujuurdâ 1:
Sääni kalga sooppâđ anarâškielâ sujâttemvuáhádâhân, jis máhđulâš.
Kuulmâstaavvâlsiih loovnâsäänih:
Anarâškielâ sujâttemvuáháduv mield kuulmâstaavvâlsij nominij maddust lii ain aainâs-uv ohtâ kuhes jienâdâh. Tágáreh myenstereh láá máhđuliih:
a) uánihis vookaal – kuhes konsonant – uánihis vookaal
markkân, kuám’mir, neppir
b) kuhes vookaal – uánihis teikkâ kuhes konsonant – uánihis vookaal
viälguh, täässiv, káámmár
c) uánihis vokal – kuhes konsonant – kuhes ee, oo, áá tâi aa
pakkeet, iššeed, čohhoom
d) kuhes vokal – uánihis konsonant – kuhes ee, oo, áá tâi aa
aalaaš, eemeed, vuájáán
Vuáđujurduu mield jis sääni kukkoduvvâs peeleest ličij sopâmin täin monnii juávkun, te sääni kukkoduvvâid kalga heiviittiđ täi myensterij mield.
Ovdâmeerhah:
- tabletti > tablet, tableteh / (ta’bletteh meid máhđulâš)
- finaali > fiinaal, finaleh
- musiikki > muusik, musikeh (musikkeh meid máhđulâš)
Kyevtstaavvâlsiih loovnâsäänih:
Kyevtstaavvâlsijn loovnâsaanijn lii täsimolsom já vookaalnubástusah, jis sääni ubânâssân heivee anarâš jienâdâhvuáhádâhân.
1) loovnâsääni kyevtstaavvâlsâš:
- duuri > duuri, duurij
- tatti > taati, taatij
- molli,mooli
- tatti, taati
- panna, pana
epičielgâ säänih:
- duuri – duurin, duurij Lii-uv pelikuhes r vâi ij?
- sfääri Lii-uv pelikuhes r vâi ij já lii-uv sfäärij vâi sfaarij, sfäärin vâi sfáárán?
- pelle – pelle, pellest / pele, pelleest, peelen
- rapu – rapu, rapust /ravu?, ravust?
Tábáhtusah láá vaigâdeh kielâi iäru tiet. Motomij saanij peht vuáđujurduu lii vaigâd nuávdittiđ.
Vuáđujuurdâ 2:
Jis sääni ij soovâ mongin sujâttemmyensterân, te rahtum loovnâsääni sujâttuvvoo tego tot ličij kuulmâstaavvâlsâš noomin, mast iä lah madduu jienâdâhnubástusah.
- direktiivi > direktiiv, direktiiveh, direktiivij / (direktiv, direktiveh, direktivij)
- akkusatiivi > akkusatiiv, akkusatiiveh, akkusatiivij / (akkusativ, akkusativeh, akkusativij)
Motomin čonâsvookaal uážžu kyeđđiđ meddâl.
- energia à energia, energiah, energiai
Eres huámášumeh:
- Anarâškielâst nube stavâlist â, u, i, iä laavii kukkođ
- jis säänist lii uánihis konsonant, te vuosmuu staavvâl vookaal lii kukke. Gloobaal, aanaal vrt.normaal (konsonantčuákki, te vuosmuu staavvâl vookaal lii uánih.)
- prinsiip: karveđ ä-maajeeb staavâlist (puáhtá meid kevttiđ á, mut saanijn miljoner já karrier e čuávu algâkielâ maali)
- Maajeeb staavvâl vookaal kukkodâh lii vala ávus koččâmuš (material/materiaal, nominativ/nominatiiv)
- -inen loppâsijn: -lâš táválâš (sâš lii mahđulâš, jis sääni lii rahtum 2st maddui) looginen-loogilâš, etninen-etnilâš, sosiaalinen-sosiaallâs/sosiallâš
(Sijđo peividum: skammâmáánu 4. peeivi 2015, Neeta Jääskö)
