Almoot varriimist Kelan

Almoot Kelan, jis

• tun lah varrim Suomân ja uusah torjuid Kelast
• tun varriih koskâpuddâsávt tâi pisovávt olgoenâmáid já uážuh torjuid Kelast
• tun maacah Suomân já tun lah ovdâlist uážžum torjuid Kelast.

Mušte almottiđ varriimist meid Digi- já aalmugtiätutoimâttâhân (oovdiš maistraat).

Toovâ almottâs já uusâ Kela torjuid viermist. Täärhist ucâmušâst, ete moh lahtoseh tast kalgeh leđe. Lahtosijd puáhtá toimâttiđ viermist.

Tun puávtáh uuccâđ torjuid meid luámáttuvváin, mon finniih Kela toimâttuvâst já viermisiijđoin

Jis tun uusah torjuu luámáttuvváin, te vuolgât tom poostâ peht Kelan. Kela postâčujottâs lii

Kela
PL 10
00056 KELA

Mušte almottiđ varriimist meid Digi- já aalmugtiätutoimâttâhân (oovdiš maistraatâ).

Ko Kela lii kieđâvuššâm tuu ucâmuš, te tun uážuh pááikán miärádâs. Miärádâsâst muštâluvvojeh torjuu meeri, vuáđustâsah já máksupeivi. Tun uážuh miärádâs meid talle, jis tunjin ij lah mieđettum toorjâ.

Jis tust ij lah innig vuoigâdvuotâ pyecceetáhádâs torjuid Kelast, te tun jieh pyevti kevttiđ eurooplii pyecceetáhádâskoortâ.