Elettemtoorjâ
Jis vaanhimeh iäránává, te päärnih pääcih távjá nube vaanhimân. Talle tot vaanhim, kiän lunne pärni ij aasâ, máksá elettemtorjuu vaanhimân, kiän lunne pärni áásá. Vanhim, kiän lunne pärni ij aasâ, kočoduvvoo elettemkenigâslâžžân.
Motomin elettemkenigâslâš ij määvsi elettemiše tâi elettemkenigâslâš vaanhim ij lah.
Talle Kela puáhtá mäksiđ elettemtorjuu ton vaanhimân, kote tipšo päärni. Kela máksá elettemtorjuu, jis
- elettemkenigâslâš vaanhim ij lah máksám elettemiše
- elettemiše lii elettemkenigâslii ekonomâlii tile tiet ucceeb ko elettemtoorjâ
- päärni adoptist tuše ohtâ vaanhim
- päärnist ij lah visásmittum eeči
- päärnist lii visásmittum eeči, mutâ elettemiše ij lah puáhtám visásmittiđ.
Elettemtoorjâ lii päärni kuáttá suulân 167 e/mp. Elettemtoorjâ lii viäruttem.
Luuvâ lase elettemtorjuu ucâmist (suomâkielân).
Tiäđuh elettemkenigâslâžân
Jis Kela máksá elettemtorjuu, te tot piärá elettemkenigâsliist mävsihánnáá pááccám elettemiišijd. Toh kočoduvvojeh elettemiševelgin.
Jis tun jieh pyevti tuu ruttâtile tiet mäksiđ elettemiševeelgi Kelan, te tun puávtáh uuccâđ máksuluovâsmittem Kelast.