Eres ko pargeeh

Perruujesâneh

Jis tun varriih Suomân pargee tâi uáppee perruujesânin, te tun koolgah táválávt aassâđ Suomâst pisovávt, vâi tun puávtáh uážžuđ Kela torjuid.

Jis tun lah EU-staatâst, Eta-staatâst tâi Sveitsist puáttee pargee perruujeessân, tun puávtáh uážžuđ pyecceetipšo, pärnilase já párnái päikkitipšo torjuu, veikâ tun jieh jieš aasâ Suomâst tâi veikâ aasah tuše koskâpuddâsávt.

Motomij statâiguin tohhum sosiaaltorvosopâmušah pyehtih vaiguttiđ meid perruujesânij sosiaaltoorvon.

Vuolgâttum pargei perruujesâneh pisoh táválávt vuolgâstaatâ sosiaaltorvoost.

Uáppeeh

Jis tun varriih Suomân eres ko EU-staatâst tuše uápui tiet, puávtáh uážžuđ Kela torjuid tuše talle, jis tuu uápui vuávájum kukkodâh lii ucemustáá 2 ive. Jieh pyevti kuittâg uážžuđ puoh Kela torjuid, tego ovdâmerkkân aassâmtorjuu já enijtorjuu.

EU-staatâin puáttee uáppeeh iä táválávt uážu Kela torjuid. Tust puáhtá leđe vuoigâdvuotâ Kela torjuid, jis uápui lasseen poorgah Suomâst. Tun jieh kuittâg táválávt pyevti uážžuđ uápputorjuu Suomâst. Jis tun varriih Suomân uápui tiet, te täärhist Kelast, puávtáh tun uážžuđ uápputorjuu.