Eres ko pargeeh

Perruujesâneh

Jis tun varriih olgoenâmáid perruujesânáin ja ááiguh aassâđ tobbeen enâmustáá 6 mánuppaje, te tust lii táválávt vuoigâdvuotâ Kela torjuid.

Jis tun varriih ovdâmerkkân uáppee, vuolgâttum pargee, staatâ virgeulmuu tâi ovdedemoovtâstpargoost orroo ulmuu perruujesânin, te tun puávtáh uážžuđ Kelast torjuid.

Tun koolgah almottiđ olgoeennâm oromist Kelan.

Jis tun varriih EU-riijkân já poorgah tobbeen, čielgâd Kelast, puávtáh-uv uážžuđ Kela torjuid.

Uáppeeh já totkeeh

Tust lii vuoigâdvuotâ Kela torjuid, veikâ tun opâččih olgoenâmijn paijeel 6 mánuppaje.

Jis tuu uápuh pišteh paijeel 6 mánuppaje já tun uážuh Kelast uáppuruuđâ, te Kela totká, ete lii-uv tust vuoigâdvuotâ eres Kela torjuid. Jis tun jieh uážu Kelast uáppuruuđâ, te almoot olgoeennâm uápuin Kelan.

Jis tun poorgah ennuv jieijâd uápui paaldâst, pargee njuolgâdusah sättih kuoskâđ tunjin. Návt lii eromâšávt talle, jis tun lah EU-staatâst.

Mušte almottiđ Kelan pargoost, maid tun poorgah nube EU-staatâst. Vääldi meid čielgâs porgâmstaatâ sosiaaltorvonjuolgâdusâin.