Jis pärni puáccáá
Jis tuu pärni puáccáá, te tun puávtáh tuálvuđ suu tiervâsvuođâkuávdážân tâi priivaat tuáhtárân. Kela máksá uási priivaat tuáhtár máávsuin. Toos lasseen Kela sajanmáksá uási talkkâsij haddeest. Tiervâsvuođâkuávdáá tipšoid Kela ij sajanmäävsi.
Jis vuálá 10-ihásâš puáccáá
Jis vuálá 10-ihásâš pärni puáccáá kivkked, te tun puávtáh pääcciđ meddâl pargoost tipšođ suu. Tot kočoduvvoo koskâpuddâsâš tipšorijjân.
Tun puávtáh tipšođ päärni enâmustáá 4 peeivi. Pargoadeleijee ij taarbâš mäksiđ päälhi koskâpuddâsii tipšoriijâ ääigi. Kela ij määvsi torjuid taan ääigist.
Vaigâdávt pyeccee já vádulii päärni tipšom
Kela tuárju vaigâdávt pyeccee tâi vádulii päärni tipšom.
Kela torjuuh já palvâlusah láá
- sierânâstipšoruttâ vaanhimân, kote tipšo vuálá 16-ihásii päärni
- vuálá 16-ihásii vádulâštoorjâ
- Kela tálhudemvajoidittem.