Maht áigápuátutorjuu meeri rekinistoo?
Puávtáh uážžuđ vuáđuáigápuátutorjuu, jis tuu tuhhiittettee koloh láá stuárráábeh ko puáđuh já väärih. Kela taha tuu puáđuin, vaarijn já koloin rekinistem. Vuáđu-uási rekinistoo mield koloid.
Rekinistem vuáđuld čiälgá, ete mon ennuv tun puávtáh uážžuđ vuáđuáigápuátutorjuu. Torjuu meeri rekinistoo nuuvt, ete puáđuin ja vaarijn kepiduvvojeh koloh, moos puáhtá uážžuđ áigápuátutorjuu.
Áigápuátutorjust ij moonâ viäru.
Rekinist rekinistempalvâlusâst, ete mon ennuv tun suulân puávtáh uážžuđ vuáđuáigápuátutorjuu (suomâkielân).
Ovdâmerkkâ áigápuátutorjuu mere rekinistmist
Sáárá lii pargottes ohtuuhuolâtteijee, kiäst láá 11- já 13-ihásiih päärnih. Sun ocá Kelast vuáđuáigápuátutorjuu, tastko suu ruuđah iä pijssáá puoh koloid. Sáárást iä lah meiddei väärih, tegu šiäštuh paŋkkitilist.
Perruu puáđuh láá:
- pargomarkkântoorjâ jâ pärnialedem 664,96 eurod mánuppaajeest
- pärnilase jâ ohtuuhuolâtteijeealedem 362,32 eurod mánuppaajeest
- aassâmtoorjâ 592,80 eurod mánuppaajeest
- elettemtoorjâ 334,70 eurod mánuppaajeest.
Puáđuh ohtsis: 1 918,78 eurod mánuppaajeest.
Perruu koloh láá:
- láigu 810 eurod mánuppaajeest
- čäcimáksu eurod mánuppaajeest
- táváliih argâkoloh ađai vuáđu-uási, mon miärán vaaikut perruu stuárudâ 1 255,11 eurod mánuppaajeest
- ohtuuhuolâtteijee 574,63 eurod mánuppaajeest
- vuossâmuš paijeel 10-ihásâš pärni 352,84 eurod mánuppaajeest
- nubbe paijeel 10-ihásâš pärni 327,64 eurod mánuppaajeest.
Koloh ohtsis: 2 110,11 eurod mánuppaajeest.
Puáđuin kepiduvvojeh koloh: 1 918,78 eurod mánuppaajeest – 2 110,11 eurod mánuppaajeest = – 191,33 eurod mánuppaajeest.
Sáárá perrui máksoo vuáđuáigápuátutoorjâ 191,33 eurod mánuppaajeest.
