Maht puáđuh vaikutteh uápputoorjân?
Tust puáhtá leđe puáđuh siämmáš, ko vááldáh uápputorjuu. Oovtâ ive ääigi puáđuh uážuh leđe ihepuáturääji verd. Ihepuáturääji meriduvvoo ton mield, ete mon maaŋgâ mánuppaje tun lah váldám uápputorjuu.
| Toorjâmanuppajeh kalenderive ääigi |
Ihepuáturääji, eurod/kalenderihe |
|---|---|
| 1 | 23 554 |
| 2 | 22 172 |
| 3 | 20 790 |
| 4 | 19 408 |
| 5 | 18 026 |
| 6 | 16 644 |
| 7 | 15 262 |
| 8 | 13 880 |
| 9 | 12 498 |
| 10 | 11 116 |
| 11 | 9 734 |
| 12 | 8 352 |
Tun puávtáh finniđ puáđuid kuás peri kalenderive ääigi. Uápputorjuu já aassâmtorjuu iä rekinist puáttun.
Jis tun algâttah uápuid tâi valmâštuuh kaskoo ive, tun puávtáh ánsášiđ rijjâ puáđuid ovdil tuu uápui älgim já valmâštum maŋa. Tárkkoo kuittâg puáturaajijd uáppumánuppoojij ääigi. Huolât tast, ete tust láá puáđuh uápui ääigi enâmustáá 696 e/mp toorjâmánuppaje kuáttá já 2 078 e/mp torjuuttes mánuppaje kuáttá. Tun koolgah kenski selvâttiđ Kelan, ete kuás tun lah finnim tuu puáđuid.
Jis tun koskâlditáh tuu uápuid kaskoo ive, te tuu puáđuh váldojeh huámmášumán oles ivveest.
Luuvâ lase tast, maht puáđuh vaigutteh uápputoorjân (suomâkielân).
Jis puáđuh maneh paijeel ihepuáturääji
Tun koolgah jieš huolâttiđ tast, ete puáđuh iä moonâ paijeel ihepuáturääji. Jis puáđuh maneh paijeel, te Kela piärá maasâd liijkás ennuv maksum uápputorjuu. Peerrâmsuumán lasettuvvoo 7,5 prooseent pajedem.
Jis tun huámmášah, ete uážuh puáđuid eenâb ko ihepuáturääji, tun puávtáh toimâđ čuávuvávt:
- Uusâ uápputorjuu tuše uási uáppumánuppoojijd.
- Almoot Kelan, ete halijdah lopâttiđ uápputorjuu mottoom mánuppajan.
- Maacât uápputorjuu tuu valjim mánuppoojijn maasâd Kelan.
Maacât paijeelmiärálijd uápputorjuid čuávuváá ive cuáŋuimáánu loopâ räi.