Maht puáđuh vaigutteh aassâmtorjui?
Vuáđujiešvástádâs
Ovdil ko lopâlâš aassâmtoorjâ lii čielgâs, te aassâmkoloin kepiduvvoo vuáđujiešvástádâs. Vuáđujiešvástádâs miärán vaigutteh
- purrâmušjuávhu bruttopuáđuh mánuppaajeest
- rävisulmui já paarnij lohomeeri purrâmušjuávhust.
Bruttopuáđuh láá puáđuh, main iä lah kepidum viäruh.
Mađe stuárráb puáđuh láá, te tađe stuárráb lii vuáđujiešvástádâs. Jis puáđuh láá uáli uccááh, te vuáđujiešvástádâs ij lah ollágin.
Puáđuh
Aassâmtorjuu miärán vaigutteh
- tiänáspuáđuh (ovdâmerkkân pälkkipuáđuh, main lii kepidum máhđulâš tiänáspuátukiäpádâs)
- válduomâdâhpuáđuh (ovdâmerkkân láigupuáđuh já vuorkkiimij riäntuh)
- maaŋgah sosiaalhiäđuh (ovdâmerkkân pargomarkkântoorjâ, uáppuruttâ, iäláttuvah já puoccâmpeiviruttâ).
Aassâmtorjuu miärán iä vaaigut
- tiätu sosiaalhiäđuh (ovdâmerkkân áigápuátutoorjâ, pärnilase, uáppuruuđâ huolâtteijeealadâs tâi omâhâštipšo toorjâ)
- uáppulovnâ
- purrâmâškode vyeliahasii päärni puáđuh
- sätipuáđuh (ovdâmerkkân ärbi tâi skeŋkkâ).
Tun koolgah almottiđ puoh tuu puáđuid aassâmtoorjâucâmušâst.
Kela uážžu tiäđuid maksum paalhijn meid puáđuregisterist.
Mušte almottiđ Kelan, jis tuu puáđuh šaddeh tâi ucoh.
Tiänáspuáđukepidem
Tiänáspuáđukepidem uáivild tom, ete jyehi purrâmušjuávhu jeessân oohtânrekinistum tiänáspuáđuin kepiduvvojeh 300 eurod mánuppaajeest. Te Kela ij vääldi taam sume huámmášumán, ko tot rekinist aassâmtorjui vaikutteijee puáđui mere. Tiänáspuáđukepidem puáhtá toohâđ pälkkipuáđust, iäláttâstooimâ puáđust já eennâmtuálu puáđust.
Maht torjuu meeri rekinistoo?
Aassâmtorjuu meeri rekinistoo náávt: Aassâmkoloin kepiduvvoo vistig vuáđujiešvástádâsuási. Aassâmtoorjâ lii 80 % päccee summeest.