Maht uážuh vuáđuáigápuátutorjuu?

Uusâ vuáđuáigápuátutorjuu viermist Kela siijđoin. Täärhist ucâmušâst, ete moh lahtoseh tast kalgeh leđe. Meiddei lahtosijd puáhtá toimâttiđ viermist.

Tun puávtáh uuccâđ torjuu meid luámáttuvváin, mon uážžu Kela toimâttuvâin já viermisiijđoin. Jis tun uusah torjuu luámáttuvváin, te vuolgât tom poostâ peht Kelan. Kela čujottâs lii

Kela
PL10
00056 KELA

Jis tun jieh pyevti uuccâđ vuáđuáigápuátutorjuu viermist tâi pävirluámáttuvváin, te tun puávtáh uuccâđ tom meid njálmálávt. Suáiti talle Kelan tâi moonâ Kela toimâttâhân.

Mon kuhháá kieđâvuššâm pištá?

Mušte tevdiđ ucâmuš huolâlávt. Tooimât Kelan puoh lahtosijd, moh tarbâšuvvojeh ucâmušâst. Tot jođálmit ucâmuš kieđâvuššâm.

Jis ucâmušâst láá puoh tarbâšliih tiäđuh, te tun uážuh Kelast miärádâs 7 argâpeeivi siste. Jis Kela miäruštâl oovtâst tuin, ete ucâmuš lii huápulâš, te tot čuávdoo siämmáá tâi čuávuváá argâpeeivi.

Luuvâ lase vuáđuáigápuátutorjuu ucâmist (suomâkielân).

Kuás toorjâ máksoo?

Ko Kela lii kieđâvuššâm tuu ucâmuš, te tun uážuh pááikán miärádâs tast, ete uážuh-uv torjuu. Miärádâsâst muštâleh torjuu mere, vuáđustâsâid já mäksimpeeivi. Tun uážuh miärádâs meid talle, ko tunjin ij lah mieđettum toorjâ.

Kela máksá vuáđuáigápuátutorjuu tilisâd mánuppaje 1. paŋkkipeeivi. Jis tuu torjuu máksu ij kiergân merikoskâsii mäksimpiäiván, te tot máksoo miärádâstoohâm ohtâvuođâst. Talle ruuđah láá tuu paŋkkitilist 2 paŋkkipeeivi keččin miärádâsâst.

Kela puáhtá mäksiđ vuáđuáigápuátutorjust lááigu njuolgist láiguadeleijei, jis tun halijdah. Kela puáhtá meid mäksiđ tuu šleđgâreekkig tâi päikkitáhádâs njuolgist reekkigadeleijei, jis halijdah.

Ko tun lah finnim miärádâs vuáđuáigápuátutorjust, puávtáh toimâttiđ Kelan meiddei miärádâs maŋa puáttám rekigijd, moi máksupeivi lii tuu miärádâs vyeimistorroom ääigi. Máksupeivi uáivild algâalgâlii reekkig máksupeeivi, ij muštottâsreekkig máksupeeivi. Tuu finnim miärádâsâst muštâleh tärhibeht, ete maid rekigijd tun puávtáh toimâttiđ Kelan.

Máksučonnâsem

Uási tuu vuáđuáigápuátutorjust puáhtá adeliđ máksučonnâsmin. Máksučonnâsem puáhtá uážžuđ ovdâmerkkân talkkâsij tâi čalmelaasâi várás. Tun uážuh máksučonnâsem miärádâs ohtâvuođâst. Máksučonnâsmist muštâleh, ete maid toin puáhtá mäksiđ käävpist.

Ko tunjin mieđettuvvoo vuáđuáigápuátutoorjâ, te tun uážuh siämmást máksučonnâsem apteekân. Máksučonnâsmáin tun uážuh tuu tarbâšem reeseepttalkkâsijd. Kela vuolgât máksučonnâsem njuolgist apteekân viermi peht. Apteekist pijssáá, ete tun čááitáh tuu Kela-koortâ tâi persovntuođâštus.

Luuvâ lase Kela torjui ucâmist já mäksimist.

Tarbâšâh-uv iše?

Tun puávtáh uážžuđ persovnlii palvâlem Kela palvâlemäššitobdest puhelimáin tâi toimâttuvâst. Palvâlemnummeer lii 020 692 207.

Jis tust tâi tuu perrust lii tárbu savâstâllâđ kieldâ sosiaalpalvâlusâi áámmátlâš ulmuin, Kela já kieldâ pyehtih ohtsâšporgâđ tuu tile mield.