Moh puáđuh vaigutteh torjui?

Vuáđuáigápuátutorjuu miärán vaigutteh puoh puáđuh já väärih, moh tust já tuu perrust láá. Puáđoid rekinistojeh meid torjuuh, maid tun uážuh.

Vuáđuáigápuátutoorjâ lii majemuu tile ekonomâlâš toorjâ. Tot meerhâš, ete tun koolgah uuccâđ vistig eres torjuid, mooid tust lii vuoigâdvuotâ.

Kela mäksim eres torjuuh láá ovdâmerkkân

• pargottesvuotâtorvo
• aassâmtorjuuh
• iäláttuvah
• uápputoorjâ
• puoccâmpeiviruttâ
• vanhimijpeiviruttâ
• pärnilase
• päikkitipšotoorjâ
• elettemtoorjâ.

Ko áigápuátutorjust meriduvvoo, te puáđuh váldojeh huámmášumán nettomeerrin ađai viärui maŋa.

Lii pyeri mušteđ, ete áigápuátutorjui vaigutteh meid kevttimnáál orroo väärih. Väärih merhâšeh ovdâmerkkân paŋkkitilin šeštum ruuđâid teikâ taggaar omâduv, mon puávtáh vyebdiđ, tegu kesituve.