Ovdil ko pärni šadda

Jis tun oskoh, ete lah vyerdimin, te vääldi ohtâvuođâ tuu päikkikieldâ enijravviittâhân. Enijravviittuv palvâlusah láá nuuvtá.

Ravviittuvâst tun uážuh šiev ravvuid äpittesvuotâääigi já šoddâdem várás. Toos lasseen ravviittuvâst čuávuh eeni já párnáá tiervâsvuođâtile.

Enni kalga eelliđ tuáhtártäärhistmist äpittesvuođâ aalgâst majemustáá 18. äpittesvuotâohhoost. Täärhistmist tun uážuh äpittesvuotâtuođâštus. Tun tarbâšah tuođâštus, ko uusah Kelast torjuu.

Enijtoorjâ

Tun puávtáh uuccâđ enijtorjuu, ko äpittesvuotâ lii pištám 5 mánuppaje. Tun puávtáh valjiđ enijpakkeet tâi 170 eurod. Enijpakettist láá tipšotarbâšeh já pihtâseh párnáá várás.

Luuvâ lase enijtorjuu ucâmist (suomâkielân).

Enijruttâ

Enni kalga pääcciđ enniriijân majemustáá 30 argâpeivid ovdil rekinistum šoddâdemääigi. Ko enni páácá enniriijân, te sun uážuškuát enijruuđâ. Enijruttâ máksoo 105 argâpeivid ađai suulân 4 mánuppaje.

Enni puáhtá pääcciđ enniriijân tolemustáá 50 argâpeivid ovdil rekinistum šoddâdemääigi. Talle enni uážžu enijruuđâ-uv tolebáá.

Luuvâ lase enijruuđâ ucâmist (suomâkielân).

Uusâ 2 mánuppaje ovdil

Uusâ enijruuđâ majemustáá 2 mánuppaje ovdil rekinistum šoddâdemääigi. Täärhist ovdil uuccâm, ete uážuh-uv enniriijâ ääigi päälhi. Mušte almottiđ pargoadeleijei enniriijâst 2 mánuppaje ovdil riijâ algâttem.

Sierânâsenijruttâ

Jis tun erdâšuuh pargostâd suonjârdmân, kemikaaláid tâi njuámmootavdáid, te tun puávtáh pääcciđ pargoost meddâl tállân, ko äpittesvuotâ lii kavnâttum. Tágárijn tilálâšvuođâin tun uážuh sierânâsenijruuđâ.

Luuvâ lase sierânâsenijruuđa ucâmist (suomâkielân).

Luuvâ lase