Kela torjuuh pargottes ulmui
Tun puávtáh uážžuđ pargottesvuotâtorjuid Kelast, jis tust ij lah pargosaje jiehke uážu pargottesvuotâtorjuu eres soojijn.
Kela torjuuh pargottesvuotâááigán láá
- vuáđupeiviruttâ
- pargomarkkântoorjâ.
Pargottesvuotâtorjuuh máksojeh ulmuid, kiäh ääsih fastâ Suomâst. Sii lasseen pargottesvuotâtorjuuh máksojeh EU-enâmijn puáttám ulmuid, kiäh láá majemustáá porgâm Suomâst.
Täärhist meid, ete puávtáh-uv uážžuđ eres torjuid, ovdâmerkkân aassâmtorjuu.
Jis tun páásáh pargotteemmin
Jis tun páásáh pargotteemmin, te almottât vistig pargotteemmin pargo-occen pargo- já iäláttâstoimâttâhân ađai PI-toimâttâhân. Pargottesvuotâhiäđuh máksojeh tuše ääigist, kuás tun lah pargo-occen PI-toimâttuvâst. PI-toimâttâh meid addel Kelan ciälkkámuš tast, ete pyehtih-uv mäksiđ tunjin torjuu.
Räähti ucâmuš pargottesvuotâtorjust Kelan, ko lah lamaš pargotteemmin jiešvástádâsääigi adai 5 argâpeeivi. Puávtáh uážžuđ pargottesvuotâtorjuu maajeeld enâmustáá 3 mánuppaajeest.
Pargottesvuotâääigi tust lii kenigâsvuotâ uuccâđ aktiivlávt pargo. Tun koolgah meid väldiđ vuástá fallum pargo tâi škovlim. Tast ij pyevti piettâliđ sujâttáá, mudoi čuávumuššân puáhtá leđe hiäđui monâttem.
Mušte anneeđ tuu pargouuccâm vyeimist. Tot ráhtoo PI-toimâttuv viermisiijđoin (te-palvelut.fi, suomâ- já ossijn meid sämikielân).