Puoccâmpeiviruttâ

Kela máksá puácuvuođâ ääigi puoccâmpeiviruuđâ. Tun puávtáh uážžuđ puoccâmpeiviruuđâ, jis tun lah 16–67-ihásâš jiehke tuu puácuvuođâ tiet paste porgâđ.

Puoccâmpeiviruttâ máksoo táválávt ton maŋa, ko tun lah lamaš pyeccen 10 peivid. Jis tun lah irâtteijee, te tun puávtáh uážžuđ puoccâmpeiviruuđâ jo tolebáá. Jis tun uážuh puoccâmluámu ääigi päälhi, te Kela máksá puoccâmpeiviruuđâ tuu pargoadeleijei.

Mon ennuv tun uážuh puoccâmpeiviruuđâ?

Puoccâmpeiviruuđâ mere meriduvvoo tuu puáđui mield. Peiviruuđâ meeri rekinistoo táválávt viäruttâsâst pahudum pargopuáđui mield. Ihepuáđuh uáivildeh tuu puáđuid 12 mánuppoojij ääigist. Jis tuáhtár kaavnât, ete tun lah pargonavcâttes ovdâmerkkân vyesimáánu 2020 rääjist, Kela rekinist puoccâmpeiviruuđâ mere toi puáđui mieldi, maid tun lah uážžum 1.4.2019–31.3.2020.

Ihepuátun rekinistojeh ovdâmerkkân päälhih, iratteijee puáđuh, pargottesvuotâtorjuuh já mottoom eres torjuuh. Meid uáppuruuđâ uážžoo uáppee puáhtá uuccâđ puoccâmpeiviruuđâ.

Peiviruttâ máksoo táválávt 6 peeivi ohhoost.

Rekinist rekinistempalvâlusâst, ete mon ennuv tun suulân puávtáh uážžuđ puoccâmpeiviruuđâ (suomâkielân). Tun puávtáh meid koijâdiđ lase palvâlemnumerist 020 692 204.

Puoccâmpeiviruuđâ meeri

Tuáhtár lii kavnâttâm Sáárá pargonavcâttem 14.4.2020 rääjist. Puoccâmpeiviruttâ vuáđuduvá puáđoid 1.3.2019–29.2.2020. Taam ääigist Sáárá tiänáseh láá lamaš 2 500 e/mp (brutto) já luámuruttâ 1 125 e (brutto).

Ihpuátun rekinistojeh 12 mp x 2 500 e + 1 125 e = 31 125 e. Puoccâmpeiviruttâ lii suulân 70 % ihepuátun rekinistum puáđuin.

Sáárá uážžu puoccâmpeiviruuđâ suulân 65 e/pv.

Uusâ puoccâmpeiviruuđâ 2 mánuppaje keejist pargonavcâttesvuođâ älgimist.

Bruttopuáđuh láá puáđuh, main iä lah kepidum viäruh.

Mon kuhháá puoccâmpeiviruttâ máksoo?

Puoccâmpeiviruttâ máksoo enâmustáá suulân ive ääigi. Jo ovdil tom seelvâtškyetih, ete ličij-uv vajoiditmist iše tuu puácuvuođâ tipšoost.

Jis tun lah pargee, te Kela pivdá tuu toimâttiđ pargotiervâsvuođâtuáhtár čäällim ciälkkámuš tuu pargonaavcâst já máhđulâšvuođâin juátkiđ pargostâd. Ciälkkámuš tarbâšuvvoo majemustáá talle, ko puoccâmpeiviruttâ lii maksum 90 argâpeivid.

Jotkâäigi puoccâmpeiviruutân

Motomijn tábáhtusâin Kela puáhtá mieđettiđ jotkâääigi puoccâmpeiviruutân. Tággáár tile puátá oovdân, jis tun lah uážžum puoccâmpeiviruuđâ enâmusääigi ađai suulân ive já maccâm paargon. Tun huámmášah kuittâg, ete tuu puácuvuotâ iästá ain porgâm. Talle Kela puáhtá mäksiđ lase puoccâmpeiviruuđâ vala 50 peivid.

Tot váátá kuittâg tom, ete tun lah lamaš pargoost ohtânmaanoost 30 peivid ađai suulân mánuppaje ton maŋa, ko puoccâmpeiviruttâ lii nuuhâm.

Jis pargonavcâttesvuotâ juátkoo jiehke tun pyevti maccâđ paargon, te selvâttuvvoo,
ete puávtáh-uv pääcciđ pargonavcâttesvuođâiäláttâhân.

Luuvâ lase