Ollâškovlâuáppee tiervâsvuođâtipšommáksu
Uđđâivemáánu 2021 rääjist áámmátollâškoovlâi já ollâopâttuvâi uáppeeh kalgeh mäksiđ Kelan tiervâsvuođâtipšommáávsu.
Uđđâivemáánu 2021 rääjist meiddei áámmátollâškoovlâi uáppeeh uážžuh tibi tiervâsvuođâtipšom YTHS:st.
Tiervâsvuođâtipšommáksu lii 35,80 eurod luuhâmpaajeest ivveest 2021.
Kii kalga mäksiđ tiervâsvuođâtipšommáávsu?
Tun koolgah mäksiđ tiervâsvuođâtipšommáávsu, jis tust lii vuoigâdvuotâ kevttiđ YTHS palvâlusâid. Tun puávtáh kevttiđ YTHS palvâlusâid, jis tun oopah áámmátollâškoovlâst tâi ollâopâttuvâst já tun lah almottâttâm mieldi orron uáppoid. Máávsu kalga mäksiđ, jis tun oopah
- áámmátollâškoovlâst áámmátollâškovlâtotkos
- tâi aaleeb áámmátollâškovlâtotkos
- ollâopâttuvâst vyeleeb tâi aaleeb ollâškovlâtotkos
- Eennâmpiäluštemollâškoovlâst siiviiluáppen.
Uápputorjuu finnim tâi eres puáđuh iä vaaigut toos, ete kalga-uv tiervâsvuođâtipšommáávsu mäksiđ.
Máksu máksoo kuohtii ivveest
Tiervâsvuođâtipšommáávsu kalga mäksiđ kuohtii (2) ivveest. Kela ij vuolgât máávsust reekkig. Tun koolgah jieš mušteđ mäksiđ tom.
Tiervâsvuođâtipšommáávsu kalga mäksiđ vuossâmuu tove kiđđâluuhâmpaajeest 2021. Määvsi kiđđâluuhâmpaje máávsu majemustáá 31.1.2021. Tun puávtáh mäksiđ máávsu viermist Kela ášástâllâmpalvâlusâst.