Vádulâštorjuuh
Tun puávtáh uážžuđ vádulâštorjuu, jis tust lii kuhesáigásâš puácuvuotâ tâi váddu. Kela árvuštâl vuoigâdvuođâ torjui ohtâgâslâš táárbuid mield.
Vádulâštoorjâ páárnán
Vuálá 16-ihásâš pärni puáhtá uážžuđ vádulâštorjuu, jis sust lii kuhesáigásâš váddu tâi puácuvuotâ. Iähtun lii, ete pärni taarbâš tipšo eenâb ko tiervâs pärni. Tipšo tárbu kalga pišteđ ucemustáá ihepele.
- Vuáđuvádulâštoorjâ lii 93,05 e/mp.
- Aledum vádulâštoorjâ lii 217,13 e/mp.
- Alemus vádulâštoorjâ lii 421,03 e/mp.
Luuvâ lase vuálá 16-ihásii vádulâštorjuu ucâmist (suomâkielân).
Vádulâštoorjâ rävisulmui
16 ihheed tiävdám olmooš puáhtá uážžuđ vádulâštorjuu, jis suu toimânahcâ lii hiäjusmâm ucemustáá ive pištee ääigi. Iähtun lii lasseen, ete váddu tâi puácuvuotâ toovvât hemâdâs sehe lasseet iše, stivrim já kocceem táárbu.
- Vuáđuvádulâštoorjâ lii 93,05 e/mp.
- Aledum vádulâštoorjâ lii 217,13 e/mp.
- Alemus vádulâštoorjâ lii 421,03 e/mp.
Luuvâ lase 16 ihheed tiävdám ulmuu vádulâštorjuu ucâmist (suomâkielân).
Iäláttuv uážžum tipšotoorjâ
Váldutoimâlávt iäláttuvâst orroo olmooš puáhtá uážžuđ tipšotoorjâ, jis suu toimânahcâ lii hiäjusmâm ucemustáá ive pištee ääigi. Lasseen tarbâšah puácuvuođâ tâi váádu tiet iše, stivrim tâi kocceem.
Tipšotorjuu mereh láá:
- Vuáđutipšotoorjâ lii 71,21 e/mp.
- Aledum tipšotoorjâ lii 155,15 e/mp.
- Alemus tipšotoorjâ lii 28,07 e/mp.
- Veteraanlase lii 107,49 e/mp.
Luuvâ lase iäláttuv uážžum tipšotorjuu ucâmist (suomâkielân).
Vádulij tulkkumpalvâlusah
Puávtáh uuccâđ vuoigâdvuođâ tulkkumpalvâlusân, jis tust lii kulo-, uáinu- tái sárnumváddu ja tun tarbâšah taan tiet tulkkum. Puávtáh tiiláđ tuulhâ oppâmân, pargoelimân tâi puđâldâssáid. Tuulhâ vievâst iäráseh iberdeh ete maid tun eeđah já tun iberdah iärrásijd.
Lasetiäđuh vádulij tulkkumpalvâlusâst (suomâkielân).
Luuvâ, ete maht tun uusah vuoigâdvuođâ kevttiđ vádulij tulkkumpalvâlus (suomâkielân).