Vuoigâdvuotâ Kela torjuid olgoenâmijn
Jis tust lii vuoigâdvuotâ Suomâ sosiaaltoorvon, te tun puávtáh uážžuđ táválávt siämmáid torjuid, maid tun uážuččih Suomâst. Olgoenâmáid pyehtih mäksiđ ovdâmerkkân pärnilase, enijtorjuu já eres pärniperrui torjuid.
Puoh Kela torjuid iä kuittâg määvsi olgoenâmáid.
Eurooplii pyecceetipšokorttâ
Puávtáh uuccâđ Kelast eurooplii pyecceetipšokoortâ. Korttâ lii nuuvtá. Ko tust lii tot, tun uážuh tipšo aakuut puácuvuotân EU-staatâst, Eta-staatâst tâi Sveitsist.
Tun puávtáh tiiláđ koortâ viermist. Tun puávtáh tiiláđ koortâ viermist meiddei párnásâd. Tun puávtáh tiiláđ koortâ meiddei palvâlemnumerist 020 692 204.
Iäláttuvâi máksu olgoenâmáid
Jis tun uážuh iäláttuv já varriih pisovávt olgoenâmáid, Kela máksá tunjin aalmugiäláttâh já peerâiäláttâh enâmustáá ive ääigi varriimist.
EU-staatáid, Eta-staatáid, Sveitsin tâi sosiaaltorvosopâmušstaatáid värrejeijei Kela máksá iäláttuv kuittâg táválávt kuhheeb ääigi. Pargonavcâttesvuotâiäláttâh máksoo tuše EU-staatáid, Eta-staatáid tâi Sveitsin. Táhádâsiäláttuv iä määvsi, jis tun varriih pisovávt olgoenâmáid.