Tiätuvuáđu lii uáivildum totkeid, virgeomâháid, aalmuglâšservijd já puoh perustum peelijd sehe ulmuid, kiäi vuoigâdvuođâid láá luávkkám. Tiätuvuáđu ana sistees OA olmoošvuoigâdvuođâorgaanij toohâm miärádâsâid ohtâgâsväidimijn. Tiätuvuáđust puáhtá uuccâđ tiäđu el. staatâi teikâ sopâmušâi vuáđuld. 

Čuávuvááh OA olmoošvuoigâdvuođâorgaaneh väldih vuástá ohtâgâsväidimijd já tai čuávduseh láá fáárust tiätuvuáđust:

- Olmoošvuoigâdvuođâkomitea (CCPR)

- Pijnedem vuástásâš komitea (CAT)

- Nisonij olgoštem meddâlistem kieđâvuššee komitea (CEDAW)

- Näliolgoštemkomitea (CERD)

- Ekonomâlij, sosiaallij já kulttuurlij vuoigâdvuođâi komitea (CESCR)

- Párnái vuoigâdvuođâi komitea (CRC)

- OA táátuvuástásijd lappuumijd kieđâvuššee komitea (CED)

Suomâst ohtâgâsväidimijd puáhtá toohâđ olmoošvuoigâdvuođâkomitean, nisonij olgoštem vuástásii komitean, ekonomâlijd, sosiaallijd já kulttuurlijd vuoigâdvuođâid kieđâvussee komitean, pijnedem vuástásii komitean já näliolgoštemkomitean. Haldâttâs oovdânpyehtim párnái vuoigâdvuođâi almossopâmuš lasepevdikirje ratifisistmist lii eidu ovdâskode kieđâvuššâmnáál (HE 285/2014 vp). Lasepevdikirje ratifisistem tovâčcij máhđulâžžân ohtâgâsväidimij toohâm jo-uv ovtâskâsolmožin teikâ juávkkun párnái vuoigâdvuođâi komitean. 

Lasetiäđuh Suomâ aalmugijkoskâsij sämmiláid kieđâvuššee olmoošvuoigâdvuođâkenigâsvuođâin  já olmoošvuoigâdvuođâorgaanij avžuuttâsâin  láá sämitige päikkisiijđoin.