| Sämitige saavâjođetteijee lii pivdám iäru toimâstis |
|
|
|
Sämitige saavâjođetteijee Klemetti Näkkäläjärvi lii pivdám iäru sämitige čuákkimist váldutoimâlii saavâjođetteijee tooimâst já puoh luáttámuštooimâin, moid sun lii nomâttum sämitige saavâjođetteijen.
Näkkäläjärvi lii iärupivdemistis almottâm, ete iärupivdem suijâ lii tot, ete ovdâskodde ij tuhhiittâm haldâttâs oovdânpyehtim sämmilâšmiäruštâlmin. Näkkäläjärvi mield ovdâskode miärádâs hiäjusmit sämmilij algâaalmugsajattuv.
Näkkäläjärvi lii almottâm, ete lii pivdám iäru meid sämitige jeessânvuođâst staatârääđist.
Sämitige stivrâ čokkân valmâštâllâđ ääši. Sämitige čuákkim puávdejuvvoo čuákán nuuvt jotelávt ko máhđulâš. Saavâjođetteijee pargoid hoittáv taan ääigi I värisaavâjođetteijee Tiina Sanila-Aikio já II värisaavâjođetteijee Heikki Paltto. Klemetti Näkkäläjärvi lii pááccám iheluámun.
|