Muusik ovtâstit säminuorâid Helsigist Njuárgámân – säminuorâi taaiđâtábáhtus aldan! |
![]() |
![]() |
Säminuorâi taaiđâtábáhtus lii jo oho keččin! Kyevtpiäivásâš tábáhtus tuálloo Ucjuvnjäälmi škovlâkuávdáást 25.-26.3. Mieldi láá almottâttâm aldasáid 400 ulmud 15 škoovlâst. Majemustáá taaiđâtábáhtus uárnejui Ucjuuvâst ive 2011.
Taan ive teeman lii muusik. Koskoho parnijd láá ohjelmist teatterpargopáájáh, moiguin ráhtádâteh jo puáttee ive tábáhtusân. Fálusist láá meid il. räp- já ráiđukovepargopáájáh. Koskohoeehid lekkâmtilálâšvuođâst lyeve oolâ puátih Ucjuv paarnijkuorâ Modji Anna Näkkäläjärvi-Länsman joođeetmáin, Sámi Grand Prix-vyeittee Aila Duo sehe eidu uđđâ skiäru almostittâm räpmusijkkár Ailu Valle. Muusikteema lii väldikodálâš já Ucjuv tábáhtusâst väljejuv säminuorâi ovdâsteijee väldikodálii SOUNDS-tábáhtusân, mii tuálloo Porvoost vyesimáánust.
Ucjuv tábáhtus muusikkiišton láá almottâttâm ohtsis 21 juávkkud. Taan ive kuhemus määđhi kyesih puátih Helsigist City sámit –seervi torjuin. Säminuorâi taaiđâtábáhtus uárnee sämitigge oovtâstpargoost páihálii škovláin. Tábáhtus ruttâduvvoo máttááttâs- já kulttuurministeriöst finnejum staatâtorjuin.
Taaiđâtábáhtus lekkâmjuhleh tuállojeh koskohoeehid 25.3. tme 18.30 rääjist. Muusikkejâlmâs Ucjuvnjäälmi škoovlâst álgá tuorâstuv 26.3. tme 10.00. Tiervâpuáttim mieldi säminuorâi ilolii tábáhtusân! OHJELM!
Ive 2016 ornimvuárust lii Aanaar já väldikodálâš teeman teatter. Tábáhtus uárnejuvvoo Sajosist, kost paijeel 400 čokkâmsaje auditorio já ollâtásásâš čaittâlemlyevi já tekniik fäälih tábáhtusân šiev pirrâs. Čuávu sämitige nettisiijđoid!
Lasetiäđuh:
Minna Lehtola
minna.lehtola(at)samediggi.fi
puh. 010 839 3196
![]() ![]()
www.samediggi.fi
www.nuorikulttuuri.fi
YLE Sápmi 19.3.2015
|
|
Viimeksi päivitetty ( 23.03.2015 ) |