Sämitige stivrâ oovdânpuovtij almosčuákkimân, ete tot mieđeet iäru Klemetti Näkkäläjärvin sämitige saavâjođetteijee pargoost, stiivrâ jeessânvuođâst já puoh luáttámuštooimâin. Lasseen stivrâ meridij oovdânpyehtiđ sämitige čuákkimân, ete tot väljee pargo-oornig 3 § já 5 § miäldásávt sämitige eidusijn jesânijn váldutoimâlii saavâjođetteijee já táárbu mield värisaavâjođetteijee já/teikâ uđđâ stiivrâ jeessân.

Lasseen stivrâ meridij, ete Sämitigge juátká pargo ILO 169-sopâmuš ratifisistmân já ulmen lii finniđ kirjim sopâmuš ratifisistmist čuávuváá haldâttâsohjelmân.

Haldâttâs nomâttij Kietâruottâs meccikuávlu já Saana kuávlu Akwe: Kon juávkun Per-Oula Juuso, Lars-Jona Valkeapää, Anne-Maret Labba, Tuomas Aslak Juuso já Per Ande Labba.

Pirâsministeriö lii pivdám sämitige almottiđ iävtukkâsis aalmuglii IPBES (Intergovernmental Platform on Biodiversity and Ecosystem Services) –paaneel jesânin pajan 2015-2018.  Stivrâ meridij, ete Sämitige ekonomâlii tile tiet sämitigge ij pyevti luávdiđ ovdâsteijes uásálistemkoloid. Jis pirâsministeriö luávdá sämitige ovdâsteijee koloid, te sämitigge oovdânpuáhtá ovdâsteijen pirâsčällee Anni-Helena Ruotsala. IPBES-paaneel lii haldâttâsâi koskâsâš jiešmerideijee orgaan, mon ulmen lii nanodiđ tiettuu já politiik vuáruvaikuttâs luándu maaŋgâhámásâšvuotân já ekosysteempalvâlussáid kyeskee koččâmušâin maaŋgâhámásâšvuođâ suojâlem já pištee kevttim oovdedmân sehe ulmuu pyereestvaijeem já pištee ovdánem turviimân kuhes áigáduvvâst.

Stivrâ nomâttij ovdâsteijen Ucjuv kieldâ Kärigâsnjargâ-Ucjuuhâ moottorkiälkkákiäinu ekonomiavaikuttâsâi árvuštâllâm stivrimjuávkun Urpo Vuolab eidusâš jesânin já suu värijesânin Jorma Harlin. Lasseen stivrâ nomâttij Ucjuv kieldâ Áilegas giellasiida- haavâ stivrimjuávkun eidusâš jesânin Anna Morottaja já suu värijesânin Tiina Sanila-Aikio.

Stivrâ nomâttij Suomâ Maailm mušto (Suomen Maailman muisti) –komitea ovdâsteijen Pauliina Feodoroff já suu värijesânin sämitige kulttuurčällee. Unesco Maailm mušto -ohjelm (Memory of the World) lii ive 1992 rääjist nuurrâm registerijdis tehálumosijd äššikirje- já kirjerájuaarnijd.

Stivrâ meridij vuástáväldiđ säämi parlamentaarlii rääđi saavâjođetteijeevuođâ 1.6.2015 rääjist. Saavâjođetteijeevuotâ pištá 16 mánuppaijeed.

Stivrâ nomâttij Pištee ruukitooimâ vááimusjuávkun eidusâš jesânin sämitige saavâjođetteijee já jesânij išedeijen lahâčällee.

Stivrâ meridij, ete Sämitigge uásálist Suomâ airâskode fáárust algâaalmugaašij pisovâš foorum 14. čuákkimân New Yorkist toin iävttoin, ete Sämitige ovdâsteijest lii máhđulâšvuotâ sahâvuárun, mast puáhtoo oovdân sämiaašij tile Suomâst. Stivrâ nomâttij ovdâsteijen sämitige saavâjođetteijee.

Lasetiäđuid addel I värisaavâjođetteijee Tiina Sanila-Aikio 040-7252585, Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen.