Säämi parlamentaarlâš rääđi lii Suomâ, Taažâ já Ruotâ sämitiigij já Ruošâ sämmilij parlamentaarlâš oovtâstpargo-orgaan. Rääđi oovdâst sämmilijd aalmugijkoskâsijn ohtâvuodâin já kieđâvuš aašijd, moh kyeskih sämmiláid algâaalmugin. Parlamentaarlii rääđi čäällimkode pargoi já eres toos lohtâseijee aalmugijkoskâsij aašij hoittám várás Sämitigge ocá

                   meriáigásii oovdânpyehtee

Pargo álgá 1.6.2015 já pištá vistig 31.12.2015 räi.  Tohálâšvuođâiähtun lii pargo vaattâm škovlim já sämikielâ táiđu (asâttâs 1727/95). Pargo miänástuvvee hoittám váátá hiäivulii ollâškovlâtutkos, šiev sämikielâ, suomâkielâ, táru-/ruotâkielâ tááiđu sehe kelijdeijee eŋgâlâskielâ njálmálii já kirjálii tááiđu. Pargoost váttoo meid tave-eennâmlii sämihaldâttuv já aalmugijkoskâsij olmoošvuoigâdvuođâsopâmušâi já –tuáimei äššitubdâm. Pargokován kuleh čällee- já čuákkimorniimij lasseen ohtâvuođâtoollâm sierâ enâmij sämitiggijd já Ruošâ sämiservijd sehe ääšioovdânpyehteepargoh. Pälkki miärášuvá sämitige pálkkááttemvuáháduv vátávâšvuođâtääsi IV/IV-II mield (vuáđupälkki 2 457,04 – 2 560,57 eurod/mp). Vuáđupäälhi lasseen máksojeh 24 % sämikuávlu lase já pargohárjánem mield miärášuvvee hárjánemlaseh. Ucâmušâid lahtosijdiskuin kalga toimâttiđ sämitige čäällimkoodán 15.5.2015 tme 16.00 räi čujottâssáin Sajos, 99870 Aanaar teikâ Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen. Lasetiäđuid pargoost addel má. haldâttâhhovdâ Pia Ruotsala puh. 010 839 3106 teikâ puáttee parlamentaarlii rääđi saavâjođetteijee Tiina Sanila-Aikio, tel. 050-3001780. Sämitige já parlamentaarlii rääđi tooimân puáhtá uápásmuđ nettičujottâsâst www.samediggi.fi


Anarist 22.4.2015                Sämitigge