Aanaar markkânist orroo säämi kulttuurkuávdáš Sajosist uárnejuvvojeh jo kyevti keesi ääigi uápisin šoddâm sämituojij pargopáájáh meid taan keesi. Pargopáájáin ärbivuovijn perustum mađhâšeijeeh peessih jieš tuoijuđ sämituojijd mätkimušton já siämmást uáppih sämituojij historjást já ärbivuovijn kietâtyejipáájá stivrejeijee oopâst.

Kietâtyejipáájást äššigâsah uážžuh valjiđ jieškote-uv kietâtyejimolsâiävtuin sii mielâstuttee já tuoijuđ tyeje mätkimušton, nuuvt ete stivrejeijee iššeed. Kietâtyejimolsâiävtuh láá nuuvt ärbivuáváliih ko kiävttu-ulme tááhust meid eenâb táálááš kietâtyejeh, tego šišneest rahtum šišnesekkâ teikâ leđđest rahtum tabletlavkkâ. Kietâtuojij tuoijum paaldâst kietâtyejistivrejeijee maainâst sämituojij historjást já ärbivuovijn sehe suu jieijâs kietâtyejivuovijn.

Kietâtyejipáájáh láá uási Saijoos kulttuurlii siskáldâspyevtittem ovdedem. Kietâtyejipáájái tárguttâs lii lasettiđ sämituojij tubdâm já ton pehti levâttiđ tiäđu sämmilijn algâaalmugin. Kietâtyejipáájáid olášutteh oovtâstpargoost Sajosist orroo sämituojij kavppijn, Duodji Shop-kavppijn.

Jieškote-uvlágáneh kietâtyejeh jieškote-uvlágán táárbun

Sämituojijn láá kuheh ärbivyevih já almolávt sämityejjin iberdeh anotiiŋgâid, tego pihtâsijd, pargopiergâsijd, tálutuálutävirijd, pivdoniävuid já čiiŋâid, moh láá kieđâiguin rahtum. Meid tááláá ääigi kietâtuojij ärbivyevih láá luánduamnâsijn, kietâtuojijd rähtih puáris ärbivyevi mield heiviitmáin uđđâ pargovuovvijd já uđđâ kiävtun kuávlui mield.

Sajosist äššigâs puáhtá rähtiđ keesi ääigi jieijâs äigitaavlu raamij siste tane- teikâ cimcâhkietleppriggee, njuškompäädi, leđđest rahtum seehâ teikâ laavhâ já puásuinähkiseehâ ađai šišneseehâ. Kietâtyejipáájáid olášutteh Saijoos čuovis válduaulast máávsu vuástá. Juávhuh kalgeh väridiđ jieijâs pargopájáääigi, vâi sijjân puáhtá táárbu mield orniđ lasestivrejeijeid.

Saijoos kietâtyejipáájáid olášutteh 1.7. - 14.8.2015 koskâsii ääigi argâpeeivij tme 11-17.   

Saijoos keesi ávusorroomääigih:

Sajos info:                         vu-vá tme 9-17

Raavâdviäsu Lyeme:           vu-vá tme 10-16

Duodji shop:                       vu-vá tme 10-17

Sämikirjerááju:                  vu-ma tme 13-19, ko-tu tme 10-17, vá 10-16

Lasetiäđuh:

Johanna Alatorvinen, má. markkânistemhovdâ, Sämikulttuurkuávdáš Sajos, Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen. , puh 010 839 3109, www.sajos.fi

Aune Musta, toimâttâsjođetteijee, Duodji Shop, Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen. , puh. 0400-637178, www.samiduodji.com