Sämitige stivrâ čokkânij 11.5.2015 puhelin peht.

Sämitige stivrâ kieđâvušâi oppeet Sämitige já Ucjuv kieldâ koskâsii sopâmuš, mii kuáská Ucjuv kieldâ sämikielâlijd jurgâlussáid. Stivrâ kuulâi ääšist kielâtorvočällee já finnij tilekejâstuv. Ääšist uárnejum ráđádâlmij mield lii puáttám oovdân, ete riehtiministeriö tárguttâssân lii peividiđ já tärhistiđ säämi kielâlaavâ. Stivrâ meridij pääcciđ vyerdiđ riehtiministeriö vástádâs toos, ete lii-uv säämi kielâlaavâ tärhistem ohtâvuođâst máhđulâš orniđ uđđâsist meid koččâmušâst leijee ääši.

Staatâ budjetist láá riehtiministeriö válduluoka momentist 25.01.50 čujottum sämmilij kulttuurjiešhaldâšem paijeentolâmist šaddee koloid väärih, main 45 000 eurod lijjii väridum Sämitige čuákkimij já vaaljâlävdikode koloi šoddâmân sämitiggelaavâ uđâsmittem keežild. Ko sämitiggelahâuđâsmittem ij olášum, 45 000 euro kevttimtárguttâs meddâlistui. Stivrâ tuhhiittij Sämitige iävtuttâs 45 000 euro kevttimtárguttâsâst riehtiministeriön toimâttemnáál. Sämitigge iävtut, ete 45 000 eurod mieđettuvvojeh pisovávt kevttimnáál Sämitige eidusii tooimân, el. säämi kielâlaavâ olášutmân já haldâttuv oovdedmân.

Stivrâ tuhhiittij Sämitige toimâmuštâlus 2014 tekstâuási tilitärhisteijeid toimâttemnáál já meridij tuhhiittiđ sesâlistum toimâmuštâlus lahtosijdiskuin čuávuváá stiivrâ čuákkimist. Sämitigge tuhhiittij lasseen kulttuurlävdikode uđđâ čuákkimvuávám já meridij sirdeđ čanosjuávkkutooimân väridum meriruuđâst 3000 eurod kulttuurlävdikode čuákkimbudjetân.

Stivrâ tuhhiittij haldâttâhhoovdâ rähtim čielgiittâs sämitige tilipaje áigásii tärhistem čuákánkiäsuraportist. Stivrâ lii kieđâvuššâm raapoort čuákkimistis 17.2.2015 já meridij talle adeliđ čuákánkiäsuraportist adelum huámmášuumijn čielgiittâs tilitärhisteijeid.

Lasetiäđuid addel Sämitige saavâjođetteijee Tiina Sanila-Aikio puh. 050 300 1780, Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen.