Taan ohtâvuođâst Suomâ Sämitigge ocá meriáigásii proojeektčällee.

 

Pargo álgá 1.8.2015 já pištá kiddâ 31.5.2018 räi. Proojeektčällee pargoid kuleh proojeekt piäiválâš toimâttâhpargoh, čuákkimij ornim sehe proojeekt ruttâtuálupargoh. Pargei puáhtá meridiđ eres-uv tooimâid, moh kuleh ohtsâštave-eennâmlâš sämikielâ áámmát- já reesuurskuávdáá jotkâprojektân.

Tohálâšvuođâvátámâššân lii pargo vaattâm škovlim já lasseen váttoo sämikielâ táiđu. Pargo miänástuvvee tipšom išedeh šiev sämikielâ njálmálâš já kirjálâš táiđu sehe kelijdeijee hárjánem toimâttâh- já ruttâtuálupargoin.

 

Ohtsâštave-eennâmlâš sämikielâ áámmát- já reesuurskuávdáá pargokielah láá sämikielâ sehe suomâkielâ já ruotâ-/tárukielâ. Kuávdáá pargon lii oovtâst sämitiggijn ohtsâštave-eennâmlâš kielâoovtâstpargo nanodem já ovdedem, sämikielâ nanodem já ovdedem nuuvt, et jieškote-uv kielâjuávhu ohtâgâslâš táárbuh, hástuseh já naavcah váldojeh vuotân, sehe sämikielâ virkosmittem já turvim puátteevuođâst.

Proojeektčällee lii palvâluskoskâvuođâst Suomâ sämitiigán já pälkki miärášuvá Suomâ sämitige pálkkááttemvuáháduv vátávâšvuodâtääsi VI/II mield (vuáđupälkki 1 842,14 eurod/mp). Vuáđupäälhi lasseen máksojeh 24 % sämikuávlu lase já pargohárjánem mield miärášuvvee hárjánemlaseh. Toimâsaje lii sämitiggeest Sajosist.

 

Ucâmušâid lahtosijdiskuin kalga toimâttiđ Suomâ sämitige čäällimkoodán 10.7.2015 tme 16.00 räi čujottâssáin: Sajos, 99870 Aanaar. Lasetiäđuid pargoost adelává kielâtorvočällee Siiri Jomppanen Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen. ja má. kielâaašijčällee Marko Marjomaa. Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen. Sämitige tooimân puáhtá uápásmuđ nettičujottâsâst www.samediggi.fi.