Petteri Laiti juhlečájáttâs lekkâmjuhle juhlodui konserttáin Sajosist |
![]() |
![]() |
Säämi kulttuurkuávdâš Sajosist liäkkojii čájáttâssajeh sämmilijd taidâráid já vuoššâmuu čájáttâs lekkâmjuhle lâi tuorâstuv 25.6.2015, ko Petteri Laiti juhlečájáttâs lekkui olmoošjuávkun. Lekkâmpeivi aalgij povdejum kuossijd uáivildum tilálâšvuođáin. Tilálâsvuođâ lekkâmsaavâst Sämitige saavâjođetteijee Tiina Sanila-Aikio muštâlij, ete sämmiliih kietâtyejirähteeh já taidâreh láá oovdânpuáhtâm čájáttâsmáhđulâsvuođâ finnim Sajosân, ko Sajos lii laasâ meddei materiaallâš sämikulttuurân: “Mij oskop, ete čájáttâstoimâ lii šiev já mudágis lase Saijoos tooimân sehe tot lááčá fiijnâ raamijd sämitaidâráid já kietâtyejirähteid finniđ tuojijdâs uáinusân.”
Saavâjođetteijee Sanila-Aikio lâi ilolâš, ete čájáttâstooimâ liäkká eidu Petteri Laaiti 40-ivejuhlečájáttâs: “Jyehi sämmilâš tobdá Petteri Laaiti noomâ. Nommâ šoddâd noonâ mielâkuuvijd kietâtyejirähtest, taidârist, miäštárist, máttáátteijest, kielâ já kulttuur sirdest.” Taažâ Sämitige tiervâttâs tilálâšvuotân puohtiijn Silje Karina Muotka já Henrik Olsen, kiäi maŋa sämityeji servi Sámi Duodji ry:st Petra Magga-Vars já Aune Musta tuáivuttáin Laaitin luho sunnuu sárnumvuárust. Lekkâmtilálâšvuođâ maŋa eehid jotkui konserttáin Saijoos auditoriost. Konsert algâttáin arktâlâs folkmuusik čuojâtteijee Niillas Holmberg & Roope Mäenpää, kiäi maŋa lyeve oolâ poođijn jyeigeeh Taažâ peln; Johan Anders Baer já Iŋgor Ántte Áilu Gaup (Áilloš). Eehid olâttâs kullui, ko Áilloš juoigâi tilálâšvuođâ várás rahtum Petteri Laaiti juáigus. Olmoošjuávkku pajanij čuážžud čäittiđ mielâstumvuođâ juáigusân. Tábáhtusâst lijjii vááijuv 200 olmožid.
Petteri Laaiti juhlecájáttâs lii uáinusist Saijoos maaŋgâtooimâsalist 30.9.2015 räi. Tiervâpuáttim uápásmiđ cájáttâsân!
Sämitige saavâjođetteijee Tiina Sanila-Aikio já Petteri Laiti.
Niillas Holmberg & Roope Mäenpää
Johan Anders Baer
|
|
Viimeksi päivitetty ( 28.06.2015 ) |