Mikkel - Nuorâ optimist Anarist |
![]() |
![]() |
Mikkel Näkkäläjärvi lii nuorâ politijkkár Anarist. Aanaar lii suu mield lamaš torvolâš já pyeremuš päikki šoddâđ. Uccâ siärvusist lii oppâm orroođ ereslágán ulmuiguim ohtâvuođâst. Maadâ-Suomâst asâdijn Mikkel lii huámášâm meiddei, et kooskah iá tubduu, já ovdâjurduust uáinoo tavevuotâlâš njyebžilvuotâ. Táál Mikkel uáppá Laapi áámmátollâškoovlâst maašintekniik, mon oppâm sun algâttij Vaasast já sirdui talle Ruávinjaargân. Lasseen sun algâttij čohčuh 2015 stivrim oopâid Laapi ollâopâttuvvâst.
Ko Mikkel lâi Vaasast oppâmin, sun seervâi uáppeeseervijd, lâi mieldi Suomâ Säminuorah ry stiivrâst já kiäsuttui politiikan. Tiäđulâšvuotâ lasanij já sun huámásij, et aašijd puáhtá vaikuttiđ, jis miinii ij lah riehtâ. Mikkel tooimâi ive 2014Helsigist Suomâ uáppeekudij littoost – SAMOK ry:st värisaavâjođetteijen, kiän pargon lâi vaiguttiđ škovliittâmân já uáppei aašijd tuálvumáin saavâ ovdâskoodán já ministeriöid. Tobbeen sun oopâi maht miärádâsrähtim tuáimá já maht pyehtiđ jieijâs aašijd oovdân sehe mon tehálâš lii valmâstâllâđ aagâid pyereest.
Mikkel lii ive 2015 Suomâ OA-nuorâidelegaatti. Sun uusâi tom tooimâ, ko sun lii kiäsuttum meiddei maailmvijđásijd aašijd. Mikkel toolâi sárnum Suomâ nuorâi peeleest OA almosčuákkimist New Yorkist čohčâmáánust 2015. Lasseen Mikkel lii Demarinuorâi värisaavâjođetteijee 2014-2016. -Jiäráskittee lii, Mikkel iätá, já lii luholâš puoh tooimâin já pargoin, moid lii peessâm.
Anarist asâdijn sämmilâsvuotâ kuulâi argâpiäiván. Eskin ko tobbeen vuolgij meddâm, Mikkel lii huámášâm ton merhâšem já tehálâšvuođâ. Säämi aalmug puátteevuotâ já ärbivuáválij eellimvuovij siäilum pieijih smiettâđ ereslasseen ruukiuhkij kooskâst. Läddilum uhked eromâšávt city-sämmilijd já kaavpugijn lii vaigâd finniđ vuáđupalvâlusâid sämikielân. Mikkel avžut sämmilijd sárnuđ eenâb ereslasseen kielâlij vuoigâtvuođâi peeleest.
Mikkel tobdá, et kalga leđe eromâšávt toi peln, kiäin ij lah jieijâs jienâ. Táál sun olášut suu niävdus, ko piäsá vaiguttiđ aašijd. Sturráámuš peerustmettumvuotâ lii pirrâs tuššâdem já Mikkel haalijd leđe mieldi iirâtmin orostittiđ killáámettum toimânvyevi. Sun lii optimist, kii haalijd kyeđđiđ puáttee suhâpuolvâid eennâm, mii lii vala eellimkiälvulâš.
Liiŋkih: https://twitter.com/nakkalajarvi
Tekstâ já koveh: Milla Elmiina Pulska
Majemustáá peividum/ |
|
Viimeksi päivitetty ( 29.06.2015 ) |