-Mihkâljäävri Áábrámáá Raaija Henna, nuorâ nissoon oovdânpuáhtá jieijâs já álgá muštâliđ suu elimist. Henna uáppá Ooulu pajeopâttuvvâst uáiviamnâsin anarâškielâ já valmâštuvá anarâškielâ amnâsmáttáátteijen. Sun lii tutkâm anarâšnuorâi, ovdij kielâpiervâlpárnái, kielâlâš identiteet. Henna tutkâmuš mield kielâ mättim lâi sijjân tegu skeŋkkâ. Lasseen sij halidiččij ovdániđ tast sehe sárnuđ eenâb. Gradun Henna juátká vissâ siämmáin fáddáin.

Henna ráhtá astoäigin sämituojijd. Sun lii ráhtâm sämimácuhijd, kaperijd, lijnijd já vuodduid. Kietâtyeijitáiđu já mááccuhmiinstâreh sirdâšuveh suhâpuolvâst nuubán já Henna še räđđee suu jieijjâs enni. Sämimácuhij kevttimist láá ennuv noormih já kalga mättiđ árvustiđ ärbivuovvijd. Henna puátá puásuialmaiperrust já lii fáárust poccui tipšomist ain ko puáhtá. -Jis poccuuh iä liččij, jiem tiäđáččij kii liččim já maid porgâččim. Heennan puásuituálu meerhâš ennuv já sun uáiná tast puátteevuođâ. Puásuituálu lii nanosin sämmilâš kulttuurist já tast lii taggaar siärvulâšvuotâ, mon ij pyevti eressaajeest tubdâđ.

Henna lii jurgâlâm párnáikiirjijd anarâškielân.

Henna lii lamaš pargoost muáddi keesi Sämitige škovliittem- já oppâmateriaaltoimâttuvvâst. Oovtâ keesi sun jurgâlij párnáikiirjijd amarâskielân. Orjâlâškielâst anarâškielân jurgâlem lii Henna mield älkkee, ko kielah lává aldaluvvâi. Ruotâkielâst anarâskielân jurgâlem lii vist hástulâš. Táál anarâškielâliih párnáikirjeh láá jo viehâ pyereest, nuorâikirjeh iä nuuvtgin já rävisulmuikirjeh mottoom verd. Oppâmateriaalist lii kiljoo vänivuotâ. Keessiv 2015 Henna jurgâlij el. matematiikkirje anarâskielân. Sun lii ilolâš, ete finnii jieijâs syergi pargoid já puáhtá toimâđ siärvusis ävkkin.

Liiŋkih:

http://www.samimuseum.fi/anaras/yleistietoa/yleistietoa.html (Inarinsaamelaiset)

http://www.samediggi.fi/index.php?option=com_content&task=view&id=216&Itemid=254 (Inarinsaamelaiset)

http://www.samediggi.fi/index.php?option=com_content&task=view&id=158&Itemid=61&lang=finnish (Inarinsaamenkieliset oppimateriaalit)

http://www.samediggi.fi/index.php?option=com_content&task=view&id=230&Itemid=268 (Sámi gákti – Saamen puku kertoo monta asiaa)

Tekstâ já kove: Milla Elmiina Pulska

Majemustáá peividum/