Niillas Holmberg lii maaŋgâpiälásâš sämitaaidâr Ucjuuvâst. Sun lii musijkkár, tivtâsteijee, čájáttellee já televisiolaiđiistellee. Ivveest 2014 Niillas finnij Sämirääđist kirjálâšvuođâpalhâšume suu tihtârahtusist Amas amas amasmuvvat (Amas oomâs omâsuđ). Rááhtus lii Tave-enâmij rääđi kirjálâšvuođâpalhâšume iävtukkâssân ivveest 2015.

 

Niillas speejâld suu taiđáin säminuorâi já sämmilij tile. Motomin sun kieđâvuš persovnlâš tobdoid já fiäránijd. Nillas uáiná taaiđâ ulmen tobdoi já jurdui koccáátteijen sehe uáinui pyehten. -Ko ulmuuh feerejeh taaiđâ, sijjân lii tehálâš kavnâđ jieijâs tobbeen lavluu tâi tiivtâ sist. Politiikka kulá távjá taaiđân já meiddei Niillas iirât vaiguttiđ ohtsâskoodán suu taiđáin.

Niillas ij pääsi vyerdiđ inspiraatio mut čokkáán vuálus já álgá čäälliđ. Pitáh šaddeh, ko Niillas keččâlâd kitaráin já nuotah kävnih sojijdis. Juáigum lii ereslágán. Tom ij pyevti rähtiđ, mutâ juáigee tuáimá vävlin juáigus šoddâmist. Lávludijn lii Niillas mieldi ereslágán tobdo ko juáiguidijn. Juáigudijn piäsá tilán, mast ij taarbâš jurdâččiđ maiden. Talle lii älkkeeb improvistiđ ko lávludijn.

Niillas lii ráhtâm klassilâš muusik nuottârähtein, multi-instrumentalistâ Roope Mäenpäin kyehti skiärru. Duo vuosmuš skiärru Manin guottán girjji fárus (Mondiet kuádám kirje fáárust) almostittui ivveest 2011 já nubbe skiärru Assimilašuvdna blues (Suddâluttem blues) ivveest 2014. Ohtsâspargo kuávtásist mana Niillas mield njyebžilávt. Suái lávástâllâv motomin meiddei kvartettin, moos kuulâv Niillas já Roope lasseen Teho Majanmäki já Linda Fredriksson.  

 

 

 

Niillas lii meiddei mieldi 22-Pistepirkkoost tubdum Asko Keräs YLVA-proojeektist juáigen. YLVA:st lii puátimin skiärru taan ive peln. Elektronisâš tuávváážân lii ovtâstittum el. trumbet já sierâ časkemčuojânâsijd jazz- sehe etnostijlâiguim. YLVA lii ereslágán ko Niillas toolááb muusik. Sun iätá, et tobdá rijjâvuođâ, ko ij lah nuuvt stuorrâ vástádâsvuotâ muusikjuávhust.

Säminuorah eellih Niillas mield kyevti kulttuur kooskâst rottâsem vaarâst. Nube kieđâst kiško läddilâš- ja nube kieđâst sämmilâškulttuur. Lii lussâd já máhđuttem mâttiđ puoh já kiergâniđ jyehi kuávlun kompromisij já valjimij kooskâst. Nube tááhust lii tábáhtum meiddei šiev ääših. Nuorah láá koccám árvuštiđ tuáváážis já kavnâm raamijd sii etnisâšvuotân. Suddâlume hyenemuš peeli lii Niillas mieldi tot, ete algâaalmugij ärbivuáválâš áárvuh molsošuveh läddilijd áárvuid. Pääihi, moonnâmvuođâ ja puátteevuođâ lasseen sämmilâsvuotâ meerhâš Niillasân oovtâlágán tuárrum.

 

  

Liiŋkih:

https://fi-fi.facebook.com/niillasroope

http://www.tuuparecords.fi/niillasroope

https://www.youtube.com/watch?v=ERYNXPW0ZdI (Niillas Holmberg & Roope Mäenpää: Assimilašuvdna blues)

https://www.youtube.com/watch?v=pbhiXT0z0RA (Niillas Holmberg & Roope Mäenpää feat. Ánne Mággá Wigelius: GÁLLOK)

http://yle.fi/uutiset/niillas_holmbergille_saamelaisneuvoston_kirjallisuuspalkinto/7599119

http://www.norden.org/fi/pohjoismaiden-neuvosto/pohjoismaiden-neuvoston-palkinnot/nordisk-raads-litteraturpris/lehdistoe/ehdokkaat-2015