Sämitige vaaljâlävdikodde muštoot, et sämitige vaaljâi 2015 iävtukkâsasâttâllâm nohá vá 7.8. tme 16. Väljejeijeeseervi vuáđudemäššikirje/iävtukkâsucâmuš kalga leđe vaaljâlävdikoddeest Anarist Sajos toimâsaajeest nomâttum äigirääji räi (čujottâs: Säämi kulttuurkuávdáš Sajos, Menesjärventie 2A, 99870 AANAAR). 

Väljejeijeeseervih kalgeh väldiđ taan ääši vuotân aainâs talle, ko toimâtteh äššikiirjijd poostâ pehti. Vaaljâlävdikoddeest ij lah eres toimâsaje, mast äššikiirjijd váldáččii vuástá.

Jienâvuoigâdvuođâlâš puáhtá kuullâđ tuše oovtâ väljejeijeesiärván, tâi mudoi suu nommâ sihâstuvvoo meddâl puoh väljejeijeeseervijn. Väljejeijeeseervi äššialmast lii máhđulâšvuotâ tievâsmittiđ tâi njuolgiđ ucâmuš tiäđuid vu 11.8. tme 16 räi.

Iävtukkâsasâttâllâmluámáttuvah kávnojeh Sämitige internetsiijđoin čujottâsâst www.samediggi.fi/vaalit já taid uážžu meid Säämi kulttuurkuávdáš Sajos Infoost.

Vaaljâäššikirjij merisajan toimâttem visásmitmân vaaljâlävdikodde pivdá 1.8.2015 maŋa värrejeijeid já meid tađe ovdil olgoenâmijn värrejeijeid toimâttiđ peividum čujottâstiäđuidis vaaljâlävdikoodán šleđgâpoostâ pehti ( Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen. ), puhelimáin (010 839 3185, 010 839 3195, 010 839 3189) tâi poostâ pehti (Sämitigge / Vaaljâlävdikodde, Menesjärventie 2A, 99870 AANAAR).