Vaaljâlävdikode tiäđáttâs |
![]() |
![]() |
Kulluttâs 12.8.2015
SÄMITIGE VAALJAH 7.9.–4.10.2015
Vaaljâäššikirjeh postâduvvojeh kirjejum reivân jyehi jienâstemvuoigâdvuođâlâžân 7.9.2015 rääjist. Jienâstemvuoigâdvuođâlâš puáhtá jienâstiđ maaccâtmáin vaaljâäššikiirjijd poostâ pehti tegu ovdebijn-uv vaaljâin. Poostâ pehti vuolgâttum äššikirjeh kalgeh leđe vaaljâlävdikode toimâttuvâst Anarist majemustáá 5.10.2015 ovdil jienâirekinistem algâttem. Jienâstemvuoigâdvuođâlâš puáhtá meid macâttiđ jieijâs vaaljâäššikiirjijd persovnlávt 21.9.– 2.10.2015 koskâsii ääigi vaaljâlävdikode toimâttâhân; Aanaar, Sajos, Menesjärventie 2A.
Jienâsteijest lii máhđulâšvuotâ siämmáá náálá ko almolijn vaaljâin-uv jienâstiđ eidusii vaaljâpeeivi vaaljâsoojijn pasepeeivi 4.10.2015 tme 10.00–18.00 ton sämikuávlu kieldâst, mii lii merkkejum vaaljâluvâttâlmân suu päikkikieldân.
Vaaljâpeeivi jienâstem uárnejuvvoo: Hetta: Iänuduv kieldâtáálu, Ounastie 165 Aanaar: Kulttuurkuávdáš Sajos, Menesjärventie 2A Ucjuuhâ: Sämitige toimâttâh, Kieldâtáálu, Luossatie 1a Vuáčču: Vuáču škovlâ, Ivalontie 8716
Ulmuuh, kiäh láá sämikuávlu lájádâsâin tipšoost sehe toh ulmuuh, kiäh láá pääihist tipšoost, ege mudoi puávtáččii jienâstiđ, uážžuh táárbu mield išedeijee tipšosaajeest jienâstem várás. Ääšist kalga väldiđ ohtâvuođâ vaaljâlävdikode toimâttâhân čuj. Sajos, Menesjärventie 2A, 99870 Aanaar, puh 010 839 3189, 010 839 3195, 010 839 3185 tâi Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen.
Anarist 7.8.2015 Vaaljâlävdikodde |
|
Viimeksi päivitetty ( 12.08.2015 ) |