Šlundevuođâ jieštipšo-ohjelm fáálá tiäđu šlundevuođâst já tyeijipiergâsijd tast cevziimân. Kevttee puáhtá moonnâđ čoođâ ubâ jieštipšo-ohjelm tâi valjiđ hiäivulumâšijd tyeijipiergâsijd tađe mield, moh oroh ávhálâžžân. Ohjelm puáhtá kevttiđ jiečânâs tâi ávhástâllâđ toin jo tuáimee toorjuu/tipšom iššeen. Ohjelm puáhtá kevttiđ veikkâ ij ličij šlundomvuođâ diagnoos. Jieštipšo-ohjelmist láá kulmâ uási:

1. LAM-UV ŠLUNDOM?

2. NUBÁSTUV KUÁVLUN

3. SUNDE OVDÂSKULIJ

Šlundevuođâ jieštipšo-ohjelmist kevttejum vyevvih vuáđuduvvojeh tutkum tiätun já ohjelm rähtimist láá lamaš fáárust škovliittum hárjánemäššitobdeeh.

”Šlundevuođâ jieštipšo-ohjelm uáivilin lii oovdeeldestiđ šlundomsymptoomij viäránem amas kevttee tarbâšiđ ucâluđ nanodub tipšom vuálá. Kuittâg meiddei tiervâsvuođâsyergi áámmâtulmuuh pyehtih kevttiđ ohjelm sii pargo toorjân”, paahud Mielâtiervâsvuođâtáálu proojeekthovdâ Marko Muukka. ”Lii ain tehálub, et láá fáállun eresláváneh moderneh molsâiävtuh, puoh iä taarbâš tâi haalijd moonnâđ áámmâtiše pirrâdâhân. Jis šlundomvuotân taarbâš lävvidub toorjuu, te HUP:st láá fáállun meddei šlundomvuođâ nettiterapiaohjelm (suomâkielâlâš). Nettiterapian puáhtá stivrosuđ pirrâ Suomâ tuáhtár vuolgâttâsáin”. Muuka mield nettivuáđulâš išedemvyevvih lasaneh nanosávt: ”Maaŋgah kuátueennâmlâš já aalmugkoskâsâš tuáimeeh láá almostittám ereslávánijd ohjelmijd já puátteevuođâst liähtu tuše lassaan”.

HUP lii finnim staatâvarijministeriö Šleđgâlâš ášástâllâm já demokratia jođálmittemohjelmist (SADe, www.thl.fi/sadesote) ruttâdem iivijd 2013-2015 Mielenterveystalo.fi-nettipalvâlus ovdedimân já levâttâmân.

Lasetiäđuh,

Marko Muukka

projeekthovdâ

HUP-tiätuhaldâttâh

p.050 427 2049

Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen.

www.mielenterveystalo.fi

Pia Ruotsala

Má hálddahushoavda

Sämitigge

p. +358 40 726 2688

Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen.

www.samediggi.fi