Sämikielâg oppâmateriaaleh já Säminuorâi taaiđâtábáhtus uápisin Turku kirjemessuin PDF Tulosta
Sämitige škovlim- já oppâmateriaaltoimâttâh uásálist ive 2015 Turku almugijkoskâsâš kirjemessuid, kost tot čaaitâš sämikielâlii oppâmateriaal, sämimáttááttâs, sehe Säminuorâi taaiđâtábáhtus.

Ive 2015 Turku almugijkoskâsii kirjemessui päikkieennâmlâš teemah láá uccâ mutâ virkkuus Kustavi kieldâ sehe kirjáás já maaŋgâjienâg Sämieennâm. Messuin Kustavi já Sämieennâm puátih čaitâččiđ vijđáht kulttuurnanosvuođâidis. Uáinusist láá taiđuuh, tieđâ, kirjálâšvuotâ, historjá, luándu, lyeti já livđe, mainâstem sehe ääigiájánâsah. Kustavi válduteemah láá kirjálâš kulttuur, meerâ já suáluikuávlu, Sämienâmist vist sämikielah, kirjálâšvuotâ já mainâstemärbivyevih.

 
kansi_oppimateriaalita5 copy.jpgSämieennâm lii ive 2015 nubben teeman ohjelmhovdâ Jenni Haukio algust. Teema keevâtlii koordinistmist västid Säämi máttááttâskuávdáš, mii čuákkee teema olášitteid já ohtsâšpargokuoimijd. Sämienâmist já Kustavist láá messuin jieijâs uásáduvah. Sämieennâm uásáduvâst čaitâččih sämmilii kirjálâšvuođâ já siämmást meiddei maaŋgâmuáđusávt sämikulttuur. Uásáduvâi ohtâvuođâst lii Sämieennâm já Kustavi ohtsâš ohjelm-/teemalyevi, mon ohjelmpyevtitmist toh västideh puoh kulmâ messupeeivi.
 
Ive 2015 teemah Kustavi já Sämieennâm pottii jo uáinusân Turku almugijkoskâsii kirjemessui lekkâmtilálâšvuođâst 3.10.2014. Ulmuuh pessii kuullâđ Ailu Vale tavesämikielâg rappim. Päivi Magga já Eija Ojanlatva toimâttâm Ealli biras – Ellee piirâs – sämmilâš kulttuurpiirâsohjelm –kirje nommâdui ton ive päikkikuávlutahhoon. ”Jieijâs kielâ, jieijâs mielâ” lâi ton ive äigikyevdilissavâstâllâm fáddán nube messupeeivi lávurduv. Paaneelsavâstâlmist suogârdillii já savâstillii sämikielâi puátteevuođâst.
 
Turku almugijkoskâsâš kirjemessuh láá kulmâpiäivád kirjálâšvuođâ kulttuurtábáhtus, mii ive 2014 čokkii oohtân suullân 700 taaiđârid, muštâleijed já musikkárid, s. 450 ohjelmnumerid já čuođij mield čaitâččeijed Turku Messu- já Kongreskuávdážân. Kyesih lijjii suullân 23 000. 
 

 

Lasetiäđuid addel Outi Länsman, tavesämikielâ já kulttuur lehtor, Säämi máttááttâskuávdáš, +358 40 844 7399, Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen.

Luuvâ lase meid Säämi máttááttâskuávddáá nettisiijđoin www.sogsakk.fi.

 

Viimeksi päivitetty ( 22.09.2015 )
 
‹‹Takaisin