Kielâtipom, normim já termâpargo sämikielâin |
![]() |
![]() |
Säämi Kielâkäldee (Sámi Giellagáldu) čuákkee sämikielâ äššitobdeid já pivdá kielâkevtteid seminaarân Sajosân, Anarân roovvâdmáánu 6. peeivi savâstâllâđ, magareh háástuh láá neelji sämikielâ kielâtipšomist, normimist já termâpargoost. Siämmást lii eromâš máhđulâšvuotâ peessâđ kuullâđ nelji sierâ sämikielâ.
Kielâseminaar ohtâvuođâst muštâluvvoo Sämitigij kulmâ ive pištee raajij rasta mannee kielâohtsâšpargoproojeekt älgimist. Seminaar leehâst Suomâ Sämitige saavâjođetteijee Tiina Sanila-Aikio. Kielâkäldee –jotkâproojeekt algâttemseminaar lii áávus puohháid. Uásálisteeh mäksih jieijâs mätki-, orroom- já purâdemkoloid. Seminaarist lii tulkkum sämikielâin suomâ- já ruotâkielân. Pyeri puáttim! Saje: Solju - Sajos, Aanaar 6.10.2015 Ohjelm: 9.30 Käähvi 10.00 Algâsäänih Säämi Parlamentaarlâš Rääđi jođetteijeee/ Suomâ Sämitige saavâjođetteijee Tiina Sanila Aikio 10.15 Taaâ Sämitige president Aili Keskitalo 10.30 Eino Koponen: Kielâtipšom vuáđujurdui heiviittem nuorttâlâškielân 11.10 Johanna Ijäs: Tavesämikielâ kuálussäänih já toi čäällim 11.50 Säämi máttááttâskuávdáá sämimuusikuáppei muusikohjelm auditoriost 12.30 Purâdem 13.30 Petter Morottaja: Maht anarâškielâ kalga tipšođ? 14.10 Svenn-Egil K. Duolljá: Kielâopâlâš njuolgâdusah julevsämikielâ kielânormim vuáđđun 14.50 Marko Marjomaa: Kielâkäldee -proojeekt 15.00 Lopâttâs Säämi kielâkäldee lii sämiaalmug ohtâsâš já siämmást alemus áámmátlâš äššitobdee já meridemorgaan sämikielâid kyeskee koččâmušâin. Säämi Kielâkäldee fáálá iše já rävvee kielâkevtteid sämikielâi kevttim kyeskee aašijn. Säämi Kielâkäldee pargoid kulá, terminologiapargo já normim lasseen, meid kielâtipšom. Lasseen Kielâkäldee juáhá tiäđuid sämikielâin já sämikielâ áámmátlâš aašijn. Kielâkäldee –jotkâproojeekt ruttâdeh Interreg V Davvi Sápmi –kuávlu, Lapin liitto, Romssa kundá sehe Taaâ, Ruotâ já Suomâ Sämitigeh. Proojeekt joođeet Suomâ Sämitigge. |
|
Viimeksi päivitetty ( 25.09.2015 ) |