| Sämitige nuorâirääđi ocá meriáigásâš proojeektpargee |
|
|
|
ááigán 1.11.2015 – 31.1.2016, tâi sopâmuš mield. Nuorâirääđi lii finnim sierâruttâdem Oahppoofelaš-haavâ olášuttem várás. Haavâ ulmen lii selvâttiđ, moin suorgijn láá táál já puátteevuođâst pargosajeh sämikuávlust, moin suorgijn lii tárbu sämikielâlijd pargeid sehe magarijd pargoid puáhtá porgâđ ollásávt káiđuspargon. Proojeektpargee pargon lii oovdeeld mainâšum selvâttâs. Selvâttâsâst teddileh Oahppoofelaš-infovihko, mii juáhhoo nuoráid.
Tooimâ latkiš tipšom išedeh hárjánem selvâttâsâi já tutkâmušâi rähtimist, sämikielâ táiđu, šiev atk-tááiđuh sehe nahcâ porgâđ jiešráđálávt.
Pálkkám meriduvá sämitige pálkkámvuáháduv vaattâmvuođâtääsi V/IV mield, vuáđupälkki 1994,55 €/mp. Vuáđupäälhi lasseen mäksih 24 % sämikuávlu lase já pargohárjánem mield hárjánemloosijd. Ucâmušâid uáppu- já pargotuođâstâsijguin kalga toimâttiđ sämitige čäällimkoodán ovdil 19.10.2015 tme 16.00 čujottâsân Sajos, 99870 Inari tâi Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen. Lasetiäđuid pargoost addel nuorâičällee Kaisa Tapiola-Länsman, puh. 010 839 3134. Sämitiigán puáhtá uápásmuđ nettičujottâsâst www.samediggi.fi já nuorâirááđán www.samediggi.gi/nuorat.
Anarist 29.9.2015 Sämitigge |